«MEGA» saýda ortalyǵy dúkenderin jaldaǵandardan aqy almaıtyn boldy
NUR-SULTAN. QazAqparat - Tótenshe jaǵdaı engizilgen kezde Qazaqstandaǵy MEGA saýda ortalyqtarynyń jelisine ıe «Mega Management» kompanııasy SOO qyzmetin toqtata turý ýaqytynda jaldaý aqysyn eseptemeıtini týraly habarlady.
Bul týraly QazAqparat atalmysh ortalyqtyń málimetterine silteme jasap habarlaıdy.
Qazaqstan Prezıdenti Qasym-Jomart Toqaevtyń shaǵyn jáne orta bıznesti qoldaý týraly úndeýine oraı, «Mega Management» kompanııasy osyndaı sheshim qabyldady. ıAǵnı, kompanııa jaldaý aqysy men tutyný men kommýnaldyq shyǵyndardyń aqysyn almaıdy.
«Biz SOO qyzmetin toqtata turý kezeńinde jaldaý jáne kommýnaldyq shyǵyn úshin aqy almaımyz. «Mega Management» bul shyǵyndardy óz moınyna alady. Biz áleýmettik-jaýapty kompanııa retinde sheshim qabyldadyq jáne bul bastama erikti bolyp tabylady. Eger qalasańyz - bul bizdiń azamattyq ustanymymyz. Biz qalyptasqan jaǵdaıdyń barlyq aýyrtpalyǵyn sizinip otyrmyz. Óıtkeni biz de kásip ıesimiz. Sondyqtan da biz seriktesterimizge qoldaý kórsetkimiz keledi», – dep málimdedi MEGA SOO jelisiniń ıesi Nurlan Smaǵulov.
MEGA - Almatydaǵy MEGA Alma-Ata jáne MEGA Park eki SOO jáne Nur-Sultandaǵy MEGA Silk Way saýda oryndary kiretin Qazaqstandaǵy álemdik deńgeıdegi iri saýda oıyn-saýyq ortalyqtarynyń jelisi. MEGA SOO jelisiniń jalpy aýdany 425 852 sharshy metr, jalǵa alýshylar sany - 650. MEGA jelisiniń birinshi SOO 2006 jyly ashyldy.
