Meet the Drapers álemdik shoýy. Qazaqstandyq startaptar $1 mln úshin jarysyp jatyr
ASTANA. KAZINFORM — Tórt qazaqstandyq startap — Astana Hub rezıdentteri álemdik arenaǵa shyǵyp, startaptardyń eń bedeldi realıtı-shoýy Meet the Drapers-te $1 mıllıon utyp alý úshin baq synaýda, dep habarlaıdy Astana Hub.
Bul mańyzdy oqıǵa álemniń túkpir-túkpirinen kelgen 44 úzdik startaptyń basyn qosyp, olardyń ınnovatsııalaryn aty ańyzǵa aınalǵan Dreıper otbasy múshelerinen quralǵan ınvestorlarǵa tanystyrýda.
Qoldaý kórsetý úshin 2025 jyldyń 22 qańtary saǵat 12:59–ǵa deıin (Astana ýaqytymen) myna silteme arqyly daýys berý qajet.
Qatysýshylar arasynda Arlan Biotech, Investbanq, Idos Games jáne Teen Tech Ed atty qazaqstandyq startaptar bar. Bul — Qazaqstannyń ǵana jetistigi emes, búkil Ortalyq Azııa maqtanyshy. Fınalısterdiń taǵdyryn kóbine kórermen daýysy sheshedi: eń kóp daýys jınaǵan 3 startap bas júlde úshin talasqa túsedi.
Startaptarymyz Digital Bridge forýmy aıasynda uıymdastyrylǵan arnaıy kezeńde daralandy. Álemdegi eń yqpaldy venchýrlyq ınvestorlardyń biri Tım Dreıper Qazaqstannyń tsıfrlyq transformatsııadaǵy joǵary áleýetine toqtalyp, eldegi ınnovatsııalyq bastamalardyń mańyzyn atap ótti.
Meet the Drapers — álemdegi eń iri pıtchıng baıqaýy, ol startaptarǵa óz ıdeıalaryn tanytyp, yqpaldy ınvestorlardyń qoldaýyn alyp, álemdik startap-ekojúıesiniń bir bóligi bolý múmkindigin usynady. Qazylar alqasy quramynda Tesla men SpaceX-ke ınvestıtsııa jasaǵan Tım Dreıper, onyń ákesi Bıll Dreıper jáne ápkesi Pollı Dreıper bar.
Meet the Drapers shoýynyń jetinshi maýsymy álemniń eń iri qalalarynda túsirildi: Abý-Dabı, Parıj, Ostın, Maıamı, Nıý-Iork, Karachı, Kremnıı alqaby men Astana qalasynda. Qazaqstan osy ǵalamdyq tarıhtyń bólshegi bolyp, halyqaralyq startap-ekojúıesinde óz rólin aıshyqtady.
Qazaqstandyq startaptardyń osynsha mártebeli halyqaralyq jobaǵa qatysýy Ortalyq Azııadaǵy IT ındýstrııanyń qarqyndy damýyn aıqyndaıdy. Sizdiń daýysyńyz qazaqstandyq startaptardyń fınalǵa joldama alyp, kókeıdegi maqsatqa jetýleri úshin zor yqpal etedi.
Daýys berý tártibi:
- Meet the Drapers shoýynyń resmı saıtyna ótińiz.
- Qatysýshylar arasynan qazaqstandyq startaptardy taýyp, olardy tańdańyz.
- Tańdaǵan startaptyń sıpattamasy astyndaǵy «Daýys berý» batyrmasyn basyńyz.
- Elektrondyq poshta mekenjaıyn engizip, daýysyńyzdy rastańyz.
— Ár elektrondyq poshtamen bir ret qana daýys berýge bolady. Tek rastalǵan daýystar esepke alynady, sondyqtan poshta jáshigińizdi nemese spamdy tekserýdi umytpańyz. Qoldaý kórsetip, álemge óńirimizdiń ınnovatsııalyq áleýetin tanytaıyq! , — delingen habarlamada.
Digital Bridge forýmy aıasynda Astanada túsirilgen qazaqstandyq komandalar shyǵarylymy 24 qańtar kúni shoýdyń saıtyna júkteledi. Onda Kaspi.kz bas dırektory jáne quryltaıshysy Mıhaıl Lomtadze, Freedom Holding Corp. holdınginiń negizin qalaýshy Tımýr Týrlov jáne Qazaqstan Investment Corporation basqarma tóraǵasy Aınur Qýatova shaqyrylǵan tóreshiler retinde qatysady.
Budan buryn Astana Hub rezıdentteri 90-nan astam elge IT-qyzmet eksporttaǵanyn habarlaǵan edik.