Medvedev Saǵyntaevty QR Premer-Mınıstri bolyp taǵaıyndalýymen quttyqtady
ASTANA. QazAqparat - Reseı úkimetiniń tóraǵasy Dmıtrıı Medvedev Baqytjan Saǵyntaevty Qazaqstan premer-mınıstri bolyp taǵaıyndalýymen quttyqtady, dep habarlady government.ru.
«Reseıde Sizdi kópjosparly reseılik-qazaqstandyq yntymaqtastyqty damytýdyń jaqtasy retinde jaqsy tanıdy. Qazaqstan premer-mınıstriniń birinshi orynbasary retinde Siz ekonomıkalyq jáne gýmanıtarlyq salalarda iri birlesken jobalardy iske asyrýǵa tikeleı qatysyp, Eýrazııalyq ekonomıkalyq odaq aıasynda ıntegratsııalyq úderisterdi tereńdetýge qomaqty jeke úlesińizdi qostyńyz. Reseı áriptesterińiz arasynda bedelińiz joǵary. Jınaqtaǵan tájirıbeńiz Sizge jańa orynda tıimdi jumys isteýge septigi tıetinine senimdimin», - dep atap ótti Medvedev óziniń quttyqtaý hatynda.
Reseı premeri «Qazaqstan men Reseı arasyndaǵy jalpy strategııalyq áriptestik pen odaqtastyqty odan ári nyǵaıtý boıynsha belsendi ózara is-áreketke nıetti ekenin atap ótti».
