Medvedev reseılik benzın baǵasynyń qymbattaý sebebin túsindirdi
ASTANA. 18 mamyr. QazAqparat - Dmıtrıı Medvedev benzın baǵasynyń joǵarylaýyn munaı ónimderi baǵasynyń jappaı qymbattaýymen baılanystyrdy.
Bul týraly ol Skolkovodaǵy baspasóz máslıhatynda sóılegen sózinde aıtty, dep jazady RBK.
«Bizdiń úkimet bul máseleni eńserý úshin bar jigerin salýda», - degen RF Prezıdenti «degenmen, barlyq jiger, tipti úkimettiń de, oılaǵan nátıje bere bermeıtinin» eskertti.
D.Medvedev benzın baǵasynyń qymbattaýy áldebir «bátýalastyqtyń» saldary bolý múmkindigin de joqqa shyǵarmady. «Solaı bolýy múmkin. Degenmen, muny álemdik naryqtaǵy zańdy úrdis dep qarastyrǵanymyz jón»,- dep qosty Reseı Federatsııasynyń basshysy.
Esterińizge sala keteıik, Reseı úkimeti el óńirlerindegi qalyptasqan kúrdeli jaǵdaılarǵa baılanysty 2011 jyldyń 1 mamyrynan bastap benzın eksportyna ýaqytsha tyıym salǵan bolatyn. Al 2011 jyldyń 1 maýsymynan bastap munaıdyń eksporttyq baj salyǵy tonnasyna 453,7 dollardan 462,1 dollarǵa deıin joǵarylamaq.
