Medvedev ІІM-niń birqatar joǵary shendi qyzmetkerlerin laýazymynan bosatty
ASTANA. 26 aqpan. QazAqparat - Keshe Reseı prezıdenti Dmıtrıı Medvedev «Reseı Federatsııasy ishki ister organdary qyzmetkerlerin laýazymynan bosatý týraly» Jarlyqqa qol qoıdy.
Bul týraly ITAR-TASS Kreml baspasóz qyzmetine silteme jasap habarlaıdy.
Jarlyqta Tatarstan Respýblıkasy boıynsha Іshki ister mınıstriniń orynbasary - qoǵamdyq qaýipsizdik mılıtsııasynyń bastyǵy, mılıtsıı general-maıory Davletshın Evgenıı Zakırovıch;
Chelıabi oblysy boıynsha Іshki ister bas basqarmasy bastyǵynyń orynbasary - qoǵamdyq qaýipsizdik mılıtsııasynyń bastyǵy, mılıtsıı general-maıory Doksov Vıacheslav Georgıevıch laýazymynan bosatylsyn delingen.
Bulardan ózge de birqatar joǵary shendi qyzmetkerler laýazymynan bosatyldy.
