Medvedev Dýmaǵa saılaý kúnin belgiledi
ASTANA. 30 tamyz. QazAqparat - Reseı Prezıdenti Dmıtrıı Medvedev Memlekettik Dýmaǵa saılaýdy 4 jeltoqsanda ótkizý týraly Jarlyqqa qol qoıdy. Bul týraly ol saıası partııalar jetekshilerimen kezdesý barysynda málim etti, dep habarlady Ýtro.rý agenttigi.
«Jarlyq mynadaı -2011 jylǵy 4 jeltoqsanda jańa shaqyrylymdaǵy Reseı Federatsııasy Federaldyq Jınalysynyń Memlekettik dýmasy depýtattaryn saılaý taǵaıyndalsyn. Ol resmı jarııalanǵan kúninen bastap kúshine enedi», - dedi Medvedev.
Buǵan deıin Medvedev Sochıde saıasatkerlermen parlamenttik saılaýǵa ázirlik máselesin talqylaıtynyn jetkizgen bolatyn. Ol sondaı-aq sol kezde ony ótkizý jónindegi prezıdenttik jarlyq ta daıyn bolatynyn atap ótken edi. Jarlyq jarııalanǵannan keıin partııalar saılaýaldy naýqanyn bastaı beretin bolady.
Depýtattyq mandat úshin Memlekettik dýmanyń qazirgi quramyndaǵy "Edınaıa Rossııa", KPRF, LDPR, "Spravedlıvaıa Rossııa", sondaı-aq parlamenttik emes "Pravoe delo", "ıAbloko" jáne "Patrıoty Rossıı" partııalary talasqa túsedi. Saılaýǵa qatysý úshin olar 150 myń saılaýshynyń qoldaýyna ıe bolýlary tıis.
