Medsaqtandyrýdyń artyqshylyǵyn halyq ózi kózben kórip, baıqaýy tıis - Lázzat Aqtaeva
Esterińizge sala keteıik, 1 qyrkúıekten bastap Qaraǵandy oblysynda MÁMS júıesiniń pılottyq jobasy iske qosyldy.
«Qaraǵandy oblysynda bastalǵan áleýmettik medıtsınalyq saqtandyrýdyń pılottyq jobasy 2020 jyldyń 1 qańtarynan engiziletin MÁMS júıesine barynsha daıyndalýǵa múmkindik beredi. Sondyqtan bizge osy jyldyń sońyna deıin qalǵan problemalardy anyqtap, olar boıynsha jedel sheshim qabyldaý mańyzdy»,- dedi vıtse-mınıstr Lázzat Aqtaeva.
Qaraǵandy oblysynda Densaýlyq saqtaý mınıstrliginiń, Medıtsınalyq saqtandyrý qorynyń, ákimdiktiń jáne óńirdegi Densaýlyq saqtaý basqarmasynyń, sondaı-aq basqa da memlekettik organdar men uıymdardyń ókilderin biriktirgen Jobalyq keńse quryldy.
Jobalyq keńse «pılotty» iske asyrýǵa qatysty tórt negizgi baǵyt boıynsha monıtorıngin júrgizedi: normatıvtik-quqyqtyq aktilerdi, Aqparattyq júıelerdi jetildirý, satyp alý tártibi, kórsetilgen medıtsınalyq qyzmetter úshin aqy tóleý, halyqty aqparattandyrý.
«Biz úlken daıyndyq jumystaryn júrgizdik. Aqparattyq júıeler ıntegratsııalanǵan jáne medsaqtandyrýdy tsıfrlyq qoldaýǵa tolyq ázir. Oblys halqynyń 98% ınterneti bar medıtsınalyq uıymdarǵa tirkelgen. Aaýdandarǵa jas mamandar tartyldy. Medqyzmetkerlerdi MÁMS boıynsha túrli baǵyttarda jumys isteýge daıyndadyq. Pılottyq jobanyń alǵashqy aptasy jańa júıege daıyn ekenimizdi rastady», - dedi vıtse-mınıstrge oblystyq Densaýlyq saqtaý basqarmasynyń basshysy Erjan Nurlybaev.
Oblysta memlekettik-jeke menshik seriktestik aıasynda shalǵaı aýyldardy ınternetpen qamtamasyz etý joba iske asyrylýda, sonda spýtnıktik kommýnıkatsııalardyń shyǵyndary arzandaý bolady. Jalpy, oblys boıynsha jyl sońyna qaraı 65 aýyldyq densaýlyq saqtaý nysany ınternetke qosylady.
Medıtsınalyq saqtandyrý qorynyń basqarýshy dırektory Nurlan Qasymov atap ótkendeı, medıtsınalyq saqtandyrýdy testileýge daıyndyq sheńberinde MÁSQ fılıaly oblystyń barlyq densaýlyq saqtaý uıymdarymen birlesip, tegin kómek pen MÁMS toptamalaryn bólýdi esepke ala otyryp, 2019 jyldyń qalǵan 4 aıynda medıtsınalyq qyzmetterdi satyp alý josparyna ózgerister engizildi.
Qordyń jumysyn tsıfrlandyrýdyń tolyq tsıklyn qamtamasyz etý úshin 1 qyrkúıekten bastap Qaraǵandy oblysynda «Saqtandyrý» aqparattyq júıesi testik tártipte iske qosyldy.
«Pılottyq jobanyń maqsaty - medıtsınalyq qyzmetterdiń arnaıy esebin júrgizý boıynsha densaýlyq saqtaý salasyndaǵy barlyq aqparattyq júıeniń ıntegratsııasyn tekserý jáne MÁMS júıesindegi patsıentterdiń mártebesin sáıkestendirý»,-dedi QR Densaýlyq saqtaý vıtse-mınıstri.
Keńes barysynda turǵyndardy ózektendirý jáne oblys halqynyń MÁMS júıesindegi mártebesin anyqtaý máselesi talqylandy. Búginde 150,6 myńnyń adam mártebesi belgili, endi 35 myńǵa jýyq turǵyndy sáıkestendirý kerek.
MÁMS úılestirý departamentiniń málimetinshe, MÁMS keńeıtilgen paketi aıasynda medıtsınalyq kómektiń kepildi kóleminen tys qosymsha medıtsınalyq qyzmetter kórsetýge respýblıkalyq bıýdjetten 2,3 mlrd teńge bólindi.
Kúzden bastap oblys turǵyndary konsýltatsııalyq-dıagnostıkalyq qyzmetterge qol jetkizdi, oǵan deni saý eresekterdi aldyn ala tekserý jáne beıindi mamandardyń balalardy tekserýi, sondaı-aq zerthanalyq jáne dıagnostıkalyq qyzmetter kiredi.
Sonymen qatar, aımaq turǵyndaryna statsıonardy almastyratyn jáne josparly statsıonarlyq kómektiń keńeıtilgen tizbesi, kardıologııa, kardıohırýrgııa, nevrologııa, neırohırýrgııa, travmatologııa jáne ortopedııa sııaqty beıin boıynsha eresekter men balalardy medıtsınalyq ońaltý qoljetimdi bolady.
Departament dırektory Azamat Ómirtaev atap ótkendeı, MÁMS júıesiniń qarjylyq turaqtylyǵy úshin jumys berýshiler men jeke tóleýshiler tarapynan jarnalar men aýdarymdardyń turaqtylyǵyn qamtamasyz etý qajet.
Oblystyń memlekettik kirister departamentiniń ókilderi keńeske qatysýshylardy medıtsınalyq saqtandyrý qoryna ýaqytyly jarnalar men aýdarymdardy qamtamasyz etý boıynsha qabyldanyp jatqan sharalar týraly habardar etti.
«Halyqty MÁMS júıesine belsendi túrde tartý kerek, endi medıtsınalyq saqtandyrýdyń artyqshylyǵy týraly aıtýdyń qajeti joq, ony azamattardyń ózi kózben kórip, baıqaýy tıis», - dep túıindedi Lázzat Aqtaeva.
