Medsaqtandyrý qarajaty esebinen vaktsına qabyldaýǵa bola ma – Tóraǵa jaýaby

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide Áleýmettik medıtsınalyq saqtandyrý qorynyń Basqarma tóraǵasy Bolat Tókejanov medıtsınalyq saqtandyrý qajaty esebinen vaktsına qabyldaýǵa bolatyn-bolmaıtyny týraly aıtty, dep habarlaıdy QazAqparat tilshisi.

«Bizge saqtandyrý qory esebinen vaktsına qabyldaýǵa bolatyn-bolmaıtyny týraly suraqtar kelip túsedi. Birden aıtyp óteıin, vaktsına egýdi qamtamasyz etý bul qordyń quziretine kirmeıdi. Bul máselemen QR Densaýlyq saqtaý mınıstrligi aınalysady, onda sanıtarlyq-epıdemıologııalyq baqylaý komıteti de qarastyrylǵan. Jaqynda mınıstr vaktsına egý kezeń-kezeńimen júzege asyrylatynyn aıtqan bolatyn. Osyǵan qatysty barlyq aqparatty sol mınıstrlikten ala alasyzdar», - deıdi Áleýmettik medıtsınalyq saqtandyrý qorynyń Basqarma tóraǵasy Bolat Tókejanov.

Eske sala ketsek, ol osy brıfıngte Medıtsınalyq saqtandyrý qory pandemııa kezinde mindetin tolyq oryndaǵanyn aıtqan bolatyn.