Medsaqtandyrý boıynsha 18 jasqa deıin balalar tisin tegin emdete alady

ASTANA. QazAqparat - QR Densaýlyq saqtaý vıtse-mınıstri Lázzat Aqtaeva mindetti áleýmettik-medıtsınalyq saqtandyrý júıesine engen qatysýshylar qandaı medıtsınalyq kómekke tegin qol jetkize alatynyn aıtyp berdi, dep habarlaıdy QazAqparat tilshisi.

«MÁMS júıesindegi medıtsınalyq kómekke Tegin medıtsınalyq kómektiń kepildendirilgen kóleminen (TMKKK) tys jańa qyzmettter de qosylady. MÁMS júıesi aıasynda konsýltatıvtik-dıagnostıkalyq kómekke eresekter men balalardy mamandandyrylǵan túrde aldyn ala tekserý, 18 jasqa deıingi balalarǵa, múgedekterge, zeınetkerlerge, kópbalaly analardyń tisin tegin emdeý men julý qyzmetteri qarastyrylǵan», - dedi Lázzat Aqtaeva.

MÁMS júıesi aıasynda ótkir jáne sozylmaly aýrýlar kezindegi jáne kúndizgi statsıonarda basymdyqqa ıe aýrýlar kezindegi, josparly ambýlatorııalyq operatsııa kezindegi kómek qarjylandyrylatyn bolady. Statsıonarǵa josparly túrde jatqyzý MÁMS júıesi aıasynda júzege asyrylady.

Eske sala ketsek, budan buryn Lázzat Aqtaeva qazaqstandyqtar saqtandyrylmaǵan jaǵdaıda qandaı medıtsınalyq kómekti tegin ala alatynyn aıtyp bergen bolatyn.