Medsaqtandyrý qoryna respýblıkalyq bıýdjetten 1,3 trln teńge bólingen

ASTANA. KAZINFORM – Qarjy mınıstri Mádı Takıev Úkimet otyrysynda respýblıkalyq bıýdjettiń qalaı jumsalyp jatqanyn baıandady.

«Respýblıkalyq bıýdjettiń shyǵys bóligi 16,7 trln teńge boldy. Atap ótý kerek, munda áleýmettik baǵyttyń basymdyǵy saqtalyp qaldy. Memleket negizgi áleýmettik mindettemelerdi oryndady.

Máselen, zeınetaqy men járdemaqyǵa 4 trln teńge, óńirler suratqan sýbventsııalarǵa 4 trln teńge, mindetti medıtsınalyq saqtandyrý qoryna 1,3 trln teńge baǵyttaldy», — dedi vedomstvo basshysy.

Al ákimdikterdiń bıýdjetinde shyǵystar kólemi 10,1 trln teńge bolǵan. Onyń ishinde áleýmettik salaǵa 5 trln 182 mlrd teńge jumsalǵan. Bul jalpy shyǵystardyń 51,2%-y degen sóz.

«Sonymen qatar, turǵyn úı-kommýnaldyq sharýashylyǵyna 1 trln 380 mlrd teńge, aýyl sharýashylyǵyna 602 mlrd teńge, kólik jáne kommýnıkatsııa salasyna 918 mlrd teńge jumsalǵan», - dedi Qarjy mınıstri.