Medrese shákirti XIII Quran jarysynan oraldy
ASTANA. 3 qazan. QazAqparat - Qazan aıynyń ishinde Reseı astanasy Máskeý qalasynda XIII Quran Kárimdi jatqa oqýdan halyqaralyq konkýrs bolyp ótti.
Aıtýly shara Reseı múftıler keńesiniń tóraǵasy, sheıh Ravıl Gaınýtdın jáne RF syrtqy i mınıstirliginiń qoldaýymen iske asyryldy.
QMDB málimetinshe, atalmysh konkýrsqa álemniń 34 elinen Qurandy bastan aıaq jattaǵan eń tańdaýly qarılar shaqyrylǵan. Osy konkýrsta qazylar alqasynyń sheshimimen bas júlde Týnıs elinen kelgen Marzýk Hýssemge, ekinshi oryn Iemendik Malık Abdýlmalık Ahmedge berilse, al, úshinshi oryn Kýveıttik Mýhammad Ál-Bakraǵa buıyrǵan.
XIII Quran Kárimdi jatqa oqýdan halyqaralyq konkýrstyń jeńimpaz ıelerine syı-sııapat jasap, júldeli dıplomdar tabys etse, konkýrsqa qatysýshylardyń barshasyna uıymdastyrýshylar baǵaly syılyqtar jáne arnaıy sertıfıkattar berildi.
Aıta keteıik, qazaq eliniń atynan XIII Quran Kárimdi jatqa oqý halyqaralyq konkýrsqa Astana qalasy janyndaǵy «Qaýam ad-Dın ál-Itqanı ál-Farabı át-Túrkistanı» qarılardy daıyndaý respýblıkalyq ortalyǵynyń shákirti, jas qarı Serik Ámzeev qatysyp, arnaıy sertıfıkatpen marapattaldy.
