Medqyzmetkerlerge beriletin áleýmettik tólem: Qandaı qujat ótkizý kerek

NUR-SULTAN. QazAqparat – Koronavırýs ınfektsııasymen kúresip jatqan medıtsınalyq qyzmetkerlerge birjolǵy áleýmettik tólem berý týraly buıryqqa engizilgen ózgeristerge sáıkes áleýmettik tólem alý úshin kerekti qujattar tizimi jarııalandy, dep habarlaıdy QazAqparat.

«Medıtsınalyq qyzmetker COVID-19 koronavırýstyq ınfektsııasyn juqtyrýdan, vırýstyq pnevmonııamen syrqattanýdan qaıtys bolǵan jaǵdaıda komıssııa úsh jumys kúninen keshiktirmeı onyń otbasy múshelerine zańnamada belgilengen tártippen berilgen qaıtys bolý týraly kýáliktiń kóshirmesin qosa bere otyryp ótinish usyný qajettiligin habarlaıdy. Qyzmetker qaıtys bolǵan jaǵdaıda birjolǵy áleýmettik tólem alýǵa ótinishti onyń otbasy músheleriniń biri densaýlyq saqtaýdy memlekettik basqarýdyń jergilikti organyna beredi», - delingen qujatta.

Komıssııa qaıtys bolý týraly kýálikti alǵannan keıin COVID-19 koronavırýstyq ınfektsııasyn juqtyrýdan, vırýstyq pnevmonııamen syrqattanýdan qaıtys bolǵan densaýlyq saqtaý uıymdary qyzmetkerleriniń otbasy músheleriniń tizimin qalyptastyrady.

Qalyptastyrylǵan otbasylarǵa beriletin birjolǵy áleýmettik tólem alýǵa adamdar tizimin oblystyń, respýblıkalyq mańyzy bar qalanyń jáne astananyń densaýlyq saqtaýdy memlekettik basqarýdyń jergilikti organdary nemese TQSQBK Memlekettik korporatsııanyń bólimshesine jiberedi.

Otbasylarǵa beriletin birjolǵy áleýmettik tólem alý úshin myna qujattar kerek:

- qyzmetker qaıtys bolǵan jaǵdaıda birjolǵy áleýmettik tólem alýǵa ótinish;

- qaıtys bolǵany týraly kýáliktiń kóshirmesi;

- № 415 buıryqpen bekitilgen IAOET kartasy (COVID-19 koronavırýstyq ınfektsııasyn juqtyrǵan qyzmetkerler boıynsha);

- № 907 buıryqpen bekitilgen nysan boıynsha medıtsınalyq karta (vırýstyq pnevmonııamen syrqattanǵan qyzmetkerler boıynsha) qosa beriledi.

Ózgertilgen buıryqtyń tolyq mátinin myna siltemeden kórýge bolady.

Eske salsaq, buǵan deıin pnevmonııa juqtyrǵan medıtsına qyzmetkerlerine ótemaqy tólenetindigi týraly habarlaǵan bolatynbyz.