Aýrýhanaishilik ınfektsııalar kóbeıdi: Mınıstrlik klınıkalarda mindetti aýdıt engizedi

Densaýlyq saqtaý mınıstrligi medıtsınalyq kómek kórsetýge baılanysty ınfektsııalardyń (MKBI) profılaktıkasy júıesin jetildirý jáne aýrýhanalar men basqa da medıtsınalyq uıymdardaǵy patsıentterdiń qaýipsizdigin arttyrý boıynsha jumysty kúsheıtýde. Osyǵan baılanysty «Іshki ınfektsııalyq aýdıt júrgizý qaǵıdalaryn bekitý týraly» buıryqtyń jobasy ázirlenip, qazirgi ýaqytta kelisý jáne memlekettik tirkeý rásimderinen ótip jatyr.

Medıtsınalyq kómek kórsetýge baılanysty ınfektsııalar qazirgi zamanǵy densaýlyq saqtaý júıesiniń asa mańyzdy máseleleriniń biri bolyp qala beredi. Dúnıejúzilik densaýlyq saqtaý uıymynyń derekterine sáıkes álemde árbir onynshy patsıent medıtsınalyq kómek alý kezinde ınfektsııaǵa shaldyǵady, al shamamen 1,4 mln adam bir mezgilde MKBI boıynsha em qabyldaıdy.

Qazaqstanda 2025 jyly MKBI tirkelý deńgeıi 2024 jylmen salystyrǵanda 1,41 esege ósti. Mundaı jaǵdaılardyń eń kóp sany akýsherlik uıymdarda tirkeledi, onda irińdi-septıkalyq ınfektsııalar jıi kezdesedi.

Budan bylaı ishki ınfektsııalyq aýdıt menshik nysanyna qaramastan, medıtsınalyq uıymdardaǵy ınfektsııalyq baqylaý júıesiniń mindetti elementine aınalady.

Onyń basty mindeti — ınfektsııa saldarymen kúresý emes, qaýipterdiń aldyn alý: buzýshylyqtardy ýaqtyly anyqtaý, olardyń týyndaý sebepterin joıý jáne ınfektsııalardyń qaıtalanatyn jaǵdaılaryna jol bermeý.

Aýdıt júrgizý merzimdiligi medıtsınalyq uıymnyń beıini, epıdemıologııalyq jaǵdaı jáne aldyńǵy tekserýlerdiń nátıjeleri eskerile otyryp aıqyndalady. Qosymsha epıdemıologııalyq qaýipter týyndaǵan jaǵdaıda jospardan tys aýdıtter júrgiziledi.

Іshki ınfektsııalyq aýdıt sheńberinde medıtsınalyq uıymdar ınfektsııalyq qaýipsizdik talaptarynyń saqtalýyn júıeli túrde baǵalaıdy.

Atap aıtqanda:

• medıtsınalyq personaldyń qol gıgıenasyn saqtaýyn;
• aseptıka jáne antıseptıka qaǵıdalarynyń oryndalýyn;
• medıtsınalyq buıymdardy dezınfektsııalaý jáne sterıldeý sapasyn;
• jeke qorǵanysh quraldaryn paıdalanýdy;
• hırýrgııada jáne joǵary qaýip tobyna jatatyn bólimshelerde ınfektsııalardyń profılaktıkasyn;
• medıtsınalyq emsharalardyń qaýipsizdigin;
• medıtsınalyq qaldyqtarmen jumys isteýdi;
• personaldy ınfektsııalyq qaýipsizdik máseleleri boıynsha oqytýdy baǵalaıdy.

Buzýshylyqtar anyqtalǵan jaǵdaıda MKBI profılaktıkasy jónindegi komıssııa naqty oryndaý merzimderi men jaýapty tulǵalardy kórsete otyryp, túzetý sharalaryn ázirleıdi. Odan keıin qabyldanǵan sharalardyń oryndalýyna baqylaý júrgizilip, olardyń tıimdiligi baǵalanady.

Qaǵıdalar jobasy Dúnıejúzilik densaýlyq saqtaý uıymynyń usynymdary eskerile otyryp ázirlendi jáne medıtsınalyq uıymdardyń ishindegi epıdemıologııalyq qadaǵalaýdy jetildirýge baǵyttalǵan.

Kóptegen dárilik preparattarǵa tózimdi mıkroorganızmderdiń taralýynyń profılaktıkasyna erekshe nazar aýdarylǵan. Sebebi MKBI patsıentterdiń statsıonarda bolý merzimin uzartyp, qosymsha antıbakterııalyq emge, qaıtalama medıtsınalyq aralasýlar men zerthanalyq dıagnostıkaǵa qajettilikti arttyrady.

Jańa Qaǵıdalardy qabyldaý:

• MKBI profılaktıkasynyń tıimdiligin arttyrýǵa;
• aýrýhanaishilik ınfektsııalardyń týyndaý jáne taralý qaýpin tómendetýge;
• medıtsınalyq uıymdardaǵy ishki sapa men ınfektsııalyq qaýipsizdikti baqylaýdy kúsheıtýge;
• medıtsına qyzmetkerleriniń ınfektsııalyq baqylaý máseleleri boıynsha quzyrettiligin arttyrýǵa;
• ınfektsııalyq asqynýlardy emdeýge baılanysty densaýlyq saqtaý júıesiniń shyǵyndaryn qysqartýǵa múmkindik beredi.

Aıta ketelik onkolog qaterli isiktiń elemeýge bolmaıtyn alǵashqy belgilerin ataǵan edi.