Medıtsınalyq týrızmdi damytý jospary ázirlendi

- Sanatorıı-kýrorttyq jáne týrıstik qyzmet boıynsha máseleler zańnamalyq deńgeıde ajyratylǵan. Qazirgi ýaqytta sanatorıı-kýrorttyq qyzmet pen medıtsınalyq týrızmdi keshendi damytý maqsatynda Úkimet múddeli memlekettik organdarmen jáne uıymdarmen birlesip, Qazaqstan Respýblıkasynda medıtsınalyq týrızmdi damytýdyń 2026–2029 jyldarǵa arnalǵan vedomstvoaralyq josparyn ázirledi,- dedi vıtse-premer.

Onyń aıtýynsha, vedomstvoaralyq jospardy iske asyrý qatysýshylardyń qyzmetin úılestirýge, sheteldik patsıentterge arnalǵan qyzmetterdiń qoljetimdiligi men sapasyn arttyrýǵa, sondaı-aq elde medıtsınalyq týrızmdi keshendi damytý úshin jaǵdaı jasaýǵa múmkindik beretin keshendi tásildi kózdeıdi. Atap aıtqanda, vedomstvoaralyq josparda mynadaı is-sharalar kózdelgen:

- medıtsınalyq uıymdardyń jáne (nemese) sanatorıı-kýrorttyq uıymdardyń medıtsınalyq týrızm aıasynda kórsetetin qyzmetterin esepke alý tártibin ázirleý;

- medıtsınalyq týrısterdi uıymdastyrýshylyq, aqparattyq jáne ózge de alyp júrý úshin medıtsınalyq uıymdardyń, ulttyq jáne ǵylymı ortalyqtardyń, ǵylymı-zertteý ınstıtýttarynyń jáne (nemese) sanatorıı-kýrorttyq uıymdardyń qurylymynda medıtsınalyq týrızm qyzmetterin uıymdastyrý.

-Sonymen qatar vedomstvoaralyq jospardyń medıtsınalyq týrızmdi ilgeriletýge, pakettik usynystar qalyptastyrýǵa, tsıfrlyq platformany damytýǵa jáne sheteldik patsıentter úshin qyzmetterdiń qoljetimdiligin arttyrýǵa baǵyttalǵan jekelegen is-sharalary sanatorıı-kýrorttyq uıymdardyń medıtsınalyq týrızm salasyna qatysýyn keńeıtýge yqpal etýi múmkin. Qazirgi ýaqytta vedomstvoaralyq jospar memlekettik organdarda kelisý kezeńderinen ótip jatyr, - dedi Serik Jumanǵarın.

Buǵan deıin sheteldik patsıentterge arnalǵan «bir tereze» qaǵıdaty boıynsha qyzmet kórsetý júıesi qurylatynyn jazǵan edik.