Medıtsınalyq týrızm: Elimizde 4,5 myń sheteldik azamat em aldy
ASTANA. KAZINFORM — Resmı saýalymyzǵa joldaǵan jaýabynda QR Densaýlyq saqtaý mınıstrligi elimizdegi medıtsınalyq týrızmniń jaı-japsary jóninde málimdedi.
Mınıstrliktiń málimetinshe, qazir medıtsınalyq qyzmetter alý maqsatynda Qazaqstanǵa keletin shetel azamattaryn esepke alýdyń biryńǵaı tásilderin qalyptastyrý boıynsha jumystar júrgizilip jatyr.
– Qazaqstannyń medıtsınalyq uıymdary 2025 jyly shamamen 4 488 sheteldik patsıentke medıtsınalyq kómek kórsetilgeni týraly derekter usyndy. Medıtsınalyq uıymdardyń aldyn ala derekterine sáıkes, 2026 jyldyń birinshi toqsanynda 1 184 sheteldik patsıentke medıtsınalyq kómek kórsetildi, – delingen habarlamada.
Sonymen qatar, Qazaqstanǵa medıtsınalyq qyzmetter alýǵa negizinen jaqyn shet memleketterdiń, onyń ishinde Reseı, Qyrǵyzstan, Ózbekstan, Tájikstan, Qytaı jáne basqa elderdiń azamattary qyzyǵýshylyq tanytady.
Odan bólek, alys shet memleketterden keletin naýqastar da bar. Máselen, Germanııa, AQSh, Ulybrıtanııa, Kanada, Túrkııa, Nıderland, Italııa, Vengrııa jáne basqa da elderdiń azamattary Qazaqstanda medıtsınalyq qyzmetke júginedi.
Aıta keteıik, buǵan deıin onlaın medıtsınalyq qyzmetterdiń aýqymy keńeıetinin jazǵanbyz.
