Medıtsınalyq tehnıkany lızıngke satyp alý tetigi qaıta iske qosylýy múmkin

ASTANA. KAZINFORM – Densaýlyq saqtaý mınıstri Aqmaral Álnazarova Úkimet otyrysynda medıtsınalyq tehnıkany lızıngke satyp alý tetigin qaıtarýdy usyndy.

«Otandyq óndirýshilerdiń medıtsınalyq tehnıkasyn satyp alý úshin «QazMedTeh» AQ bazasynda qarjylyq lızıng mehanızmin qaıta engizý usynylady. Sondaı-aq, otandyq farmatsevtıkalyq ónimderdiń básekelestigin arttyrý úshin quramynda spırti bar ónimderdi shyǵarý kezinde paıdalanylatyn etıl spırtine qosymsha aktsız tóleýden bosatý kózdelip otyr. Aıta ketý kerek, qazir qosymsha aktsız qunyn tóleý saldarynan ónimderdiń ózindik baǵasy ulǵaıyp, básekelestikke keri áseri tıip jatyr», - dedi ol.

Mınıstrdiń aıtýynsha, jergilikti zattarmen qamtý úlesi neǵurlym joǵary otandyq óndirýshilerge jeńildik qarastyrý qajet.

«Al uzaq merzimdi sharttardyń ýaqytyn óndiristiń tereńdigine qaraı belgileýdi usynamyz», - dedi Aqmaral Álnazarova.