Medıtsınalyq saqtandyrýdy jumyssyz qalǵanda saqtap qalýǵa bola ma
ALMATY. KAZINFORM — 2026 jyldan bastap MÁMS júıesine kemi 5 jyl boıy turaqty jarna tólegen azamattardyń mártebesi tólem ýaqytsha toqtaǵan jaǵdaıda 6 aı boıy saqtalady.
Áleýmettik medıtsınalyq saqtandyrý qory Almaty qalalyq fılıalynyń málimetinshe, mundaı ózgerister «Mindetti áleýmettik medıtsınalyq saqtandyrý týraly» zańǵa engizildi. Kelesi jyldan bastap MÁMS júıesine keminde 5 jyl qatarynan jarna tólegen adamdar jumyssyz qalsa da, jarty jyl tegin medıtsınalyq qyzmet ala alady.
— Bul ózgerister jumysynan aıyrylǵan nemese ýaqytsha qarjylyq qıyndyqtarǵa tap bolǵan turǵyndardyń medıtsınalyq kómekten qaǵylmaýyn qamtamasyz etedi. Biraq tabys turaqtanǵannan keıin tólenbegen aılar úshin bereshekti óteý qajet bolmaq, — dedi MSQ Almaty qalalyq fılıalynyń dırektory Іlııas Muhamedjan.
Qazir qoldanystaǵy normaǵa sáıkes, tólemder toqtaǵan jaǵdaıda saqtandyrylǵan mártebesi 3 aı saqtalady.
Eske salaıyq, buǵan deıin MÁMS boıynsha jeke klınıkalarda qandaı jaǵdaıda qaralýǵa bolatynyn jazǵanbyz.