QR PІB Medıtsınalyq ortalyǵy Qytaımen tsıfrlyq medıtsına boıynsha yntymaqtastyqty keńeıtip keledi
ASTANA. KAZINFORM - Qazaqstan Respýblıkasy Prezıdenti Іs basqarmasy Medıtsınalyq ortalyǵynyń delegatsııasy Qytaı Halyq Respýblıkasyna jumys saparymen bardy, dep habarlaıdy basqarmanyń baspasóz qyzmeti.
Sapar barysynda delegattar Qytaıdyń jetekshi medıtsınalyq mekemeleri Ruijin Hospital jáne Renji Hospital qyzmetimen tanysyp, CMEF Spring 2026 halyqaralyq medıtsınalyq jabdyqtar kórmesine qatysty jáne medıtsınalyq tehnıka óndirisinde álemdik kóshbasshylardyń biri bolyp tabylatyn Mindray kompanııasymen kezdesý ótkizdi.
Qytaı klınıkalarynda keńinen qoldanylatyn, osy salada álemdik kóshbasshylardyń biri sanalatyn zamanaýı tsıfrlyq sheshimderge erekshe nazar aýdaryldy.
Olardyń qatarynda patsıentterdi ortalyqtandyrylǵan monıtorıng júıeleri, medıtsınalyq jabdyqtardy biryńǵaı aqparattyq ortaǵa biriktirý, sondaı-aq onlaın jáne oflaın medıtsınalyq qyzmetterdiń tıimdi ózara is-qımylyn qamtamasyz etetin «ınternet-gospıtal» úlgisin damytý bar.
Sonymen qatar jasandy ıntellekt tehnologııalaryn paıdalaný múmkindikteri klınıkalyq sheshimderdi qoldaýdan bastap, patsıentterge arnalǵan servısterdi avtomattandyrý taqyryptary da bólek qarastyryldy.
Sapar qorytyndysy boıynsha ekijaqty ózara is-qımyldyń naqty baǵyttary aıqyndalyp, Qytaıdyń medıtsınalyq jáne tehnologııalyq uıymdarymen yntymaqtastyqty damytý jóninde kelisimderge qol jetkizildi. Olar birlesken bilim berý baǵdarlamalary men taǵylymdamalardy iske asyrýdy, sondaı-aq ozyq tehnologııalyq sheshimderdi praktıkalyq qyzmetke engizýdi kózdeıdi.
Basym baǵyttardyń qatarynda robottandyrylǵan hırýrgııany damytý, tsıfrlyq operatsııalyq bólmelerdi qurý, patsıentterdi monıtorıngteýdiń zııatkerlik júıelerin engizý jáne farmatsevtıkalyq logıstıkany avtomattandyrý bar.
Medıtsınalyq ortalyqtyń aýrýhanasy men Ulttyq gospıtal zerdelengen tájirıbelerdi kezeń-kezeńimen engizýdi josparlap otyr, onyń ishinde tsıfrlyq servısterdi damytý, ózine-ózi qyzmet kórsetý termınaldaryn ornatý jáne medıtsınalyq AI-platformany qurý bar.
Atalǵan bastamalardy iske asyrý medıtsınalyq kómektiń sapasy men qoljetimdiligin arttyrýǵa, klınıkalyq jáne basqarýshylyq protsesterdi ońtaılandyrýǵa, sondaı-aq Qazaqstan Respýblıkasynyń densaýlyq saqtaý júıesin odan ári jańǵyrtýǵa yqpal etedi.
Osyǵan deıin Prezıdenttiń is basqarmasy Medıtsınalyq ortalyǵynyń aýrýhanasy ulttyq akkredıtteýdiń joǵary sanatyna ıe bolǵany týraly jazdyq.
