Medıtsınalyq kýálandyrýdan bas tartqan pavlodarlyq bıkesh 8 jylǵa júrgizýshi kýáliginen aıyryldy

PAVLODAR. KAZINFORM –Pavlodar oblysyndaǵy aýyldardyń birinde polıtseıler Toıota Kamrı kóligin toqtatqan. Júrgizýshiniń áreketi kúdik týdyrǵany sebepti tártip saqshylary odan medıtsınalyq kýálandyrýdan ótýdi talap etedi. Alaıda áıel adam bas tartqan. 

Polıtsııa qyzmetkeriniń zańdy talaptaryn oryndamaǵany úshin bıkesh jaýapqa tartyldy. Sotta júrgizýshiniń asyraýynda kámeletke tolmaǵan balalardyń bary eskerildi. Sot sheshimimen aıyptalýshy 8 jyl merzimge kólik quraldaryn júrgizý quqyǵynan aıyryldy.

- «Qaýipsiz jol» profılaktıkalyq is-sharasy barysynda polıtseıler 3000-ǵa jýyq jol júrý erejelerin buzýdyń jolyn kesti. Onyń 39-y mas kúıinde kólik júrgizip, 854 júrgizýshi jyldamdyq rejımin buzǵan. Taǵy, 389-y qaýipsizdik beldigin taqpaı, 334 jaıaý júrginshi ruqsat etilmegen jerden joldardy kesip ótti. 146 júrgizýshi jaıaý júrginshilerge jol bermedi. Barlyq quqyq buzýshylar jazalandy, - dep habarlady Pavlodar oblysy jergilikti polıtsııa qyzmetiniń bastyǵy Qýanysh Mustafınov.