Medıtsınalyq kolledjderge túsý erejesi ózgerdi
ASTANA. KAZINFORM – Medıtsınalyq kolledjderge túsý úshin tańdalǵan mamandyqqa baılanysty eki pánniń bireýi boıynsha arnaıy emtıhan engizildi. Endi bul stomatologııa men ortopedııadan basqa barlyq medıtsınalyq mamandyqtarǵa túsýshiler úshin mindetti bolady (oqý túrine qaramastan – 9 nemese 11 synyptardyń negizinde).
Emtıhan beıindik pánder boıynsha bazalyq bilimdi, sondaı-aq talapkerdiń motıvatsııalyq deńgeıin baǵalaýdy qamtıdy.
— Memleket basshysy jarııalaǵan jumysshy mamandyqtar jyly sheńberinde biz orta medıtsınalyq bilim alatyn mamandardy daıarlaý sapasyna qoıylatyn talaptardy arttyramyz. Motıvatsııa men daıyndyqty baǵalaýdyń biryńǵaı tásili esebinen túsý kezinde ádilettilik qamtamasyz etiledi. Bul qoǵamnyń medıtsınalyq kadrlardy daıarlaý júıesine degen senimin arttyrýdyń alǵashqy qadamy, — dep atap ótti Densaýlyq saqtaý mınıstrligi.
Densaýlyq saqtaý mınıstrligi Oqý-aǵartý mınıstrligimen birlesip talapkerler men olardyń ata-analaryn qabyldaýdyń jańa sharttarymen muqııat tanysýǵa jáne arnaıy emtıhanǵa aldyn ala daıyndalýǵa shaqyrady.
Qosymsha aqparat, tapsyrma úlgileri, emtıhan kestesi jáne ótý erejeleri resmı saıttarda, oqý oryndarynyń aqparattyq júıelerinde qoljetimdi.
Aıta ketelik áleýmettik mańyzy bar preparattardyń baǵasy tómendeýi múmkin ekenin jazǵan edik.