Medıtsınalyq qyzmetter men dári-dármek QQS-tan bosatyldy

ASTANA. KAZINFORM – Tegin medıtsınalyq kómektiń kepildik berilgen kólemi jáne mindetti áleýmettik medıtsınalyq saqtandyrý sheńberinde usynylatyn medıtsınalyq qyzmetter men dárilik zattar qosylǵan qun salyǵynan bosatyldy.  

Eń aldymen, tegin medıtsınalyq kómektiń kepildik berilgen kólemijáne mindetti áleýmettik medıtsınalyq saqtandyrý sheńberinde usynylatyn medıtsınalyq qyzmetter men dárilik zattar qosylǵan qun salyǵynan bosatylǵanyn atap ótken jón.

Bul shyǵyndardyń ósýin tejeýge jáne halyq úshin emdeýdiń qoljetimdiligin saqtaýǵa múmkindik beredi.

Dárilik zattardyń keń tizbesi - 3000-nan astam ataý, sonyń ishinde orfandyq jáne áleýmettik máni bar aýrýlardy emdeýge arnalǵan preparattar QQS-tan bosatyldy. Dárilerdiń bul sanatyna olardy satý arnasyna qaramastan salyq salynbaıdy.

Densaýlyq saqtaý salasyndaǵy memlekettik saıasat naryq úshin ashyq jáne túsinikti qaǵıdalardy qamtamasyz ete otyryp, negizgi áleýmettik mańyzdy baǵyttar qorǵalatyndaı etip qurylǵan.

Kommertsııalyq segmentte QQS tómendetilgen mólsherlemesin kezeń-kezeńimen qoldaný kózdelgen: 2026 jyldan bastap — 5%, 2027 jyldan bastap-10%. Bul sheshim farmatsevtıkalyq naryqtyń turaqtylyǵyn saqtaý jáne baǵanyń kúrt ósýine jol bermeý qajettiligin eskere otyryp qabyldandy.

Sonymen qatar, dárilik zattardyń qunyn tejeý jumystary jalǵasýda. Bólshek saýda jelisindegi shekti baǵalardy retteý nátıjesinde birqatar pozıtsııalar boıynsha preparattardyń quny orta eseppen 26%-ǵa tómendedi. Baǵanyń saqtalýyn baqylaý basymdyq bolyp qala beredi.

Densaýlyq saqtaý mınıstrligi medıtsınalyq kómektiń qoljetimdiligi, patsıentterdiń múddeleri jáne salanyń turaqty damýy arasyndaǵy tepe-teńdikti qamtamasyz etý úshin bıznes qaýymdastyǵymen jáne beıindik vedomstvolarmen turaqty júıeli dıalog júrgizedi. 

Aıta ketelik elde 400-den astam jańa dári-dármek óndiriledi.