Medıtsınadaǵy jemqorlyq 3 esege tómendedi — DSM
ASTANA. KAZINFORM — Densaýlyq saqtaý salasyndaǵy sybaılas jemqorlyq úsh jylda 70%-dan astam kórsetkishke tómendedi. Bul týraly 8 sáýirde Ulttyq ǵylymı onkologııalyq ortalyq bazasynda QR DSM qyzmetkerleri men Qazaqstan Respýblıkasy Memlekettik qyzmet isteri agenttiginiń ókilderi arasynda birlesken kezdesýde aıtyldy. Bul týraly vedomstvonyń baspasóz qyzmeti málim etti.
Іs-shara Densaýlyq saqtaý mınıstrliginiń moderatsııasymen uıymdastyryldy. Spıkerler qatarynda QR Memlekettik qyzmet isteri agenttiginiń Astana qalasy boıynsha departamenti basshysynyń orynbasary B. N. Balǵabekov, departamenttiń bas mamany A. K. Aıtýeva, sondaı-aq QR Densaýlyq saqtaý mınıstrliginiń aqparattyq qaýipsizdik, jumyldyrý jumysy jáne memlekettik qupııalardy qorǵaý departamentiniń dırektory B. Sh. Bekbatyrov boldy.
Kezdesý barysynda sybaılas jemqorlyqtyń aldyn alý jáne oǵan qarsy is-qımyl, sybaılas jemqorlyqqa qarsy mádenıetti qalyptastyrý, memlekettik organdar qyzmetiniń ashyqtyǵyn arttyrý jáne adaldyq qaǵıdattaryn nyǵaıtý máseleleri qaraldy.
Іs-sharanyń negizgi maqsaty — densaýlyq saqtaý júıesinde sybaılas jemqorlyqqa nóldik tózimdilik qaǵıdatyn qalyptastyrý. Mınıstrlik jaǵdaıdy turaqty baqylaýda ustap, týyndaýy yqtımal táýekelderge jedel áreket etip, sybaılas jemqorlyqtyń aldyn alý tetikterin jetildirý.
Qazaqstan Respýblıkasy Densaýlyq saqtaý mınıstrligi quqyq buzýshylyqtardyń aldyn alýǵa, qyzmettiń ashyqtyǵyn arttyrýǵa jáne medıtsınalyq kómektiń qoljetimdiligin qamtamasyz etýge basymdyq bere otyryp, júıeli sybaılas jemqorlyqqa qarsy saıasatty dáıekti túrde iske asyrýda. Sondaı-aq komplaens, ishki baqylaý júıelerin engizý jáne joǵary etıkalyq standarttardy saqtaý tetikteriniń mańyzy atap ótildi.
Júrgizilgen jumystar oń nátıjesin kórsetýde. Sońǵy úsh jylda densaýlyq saqtaý júıesinde sybaılas jemqorlyq quqyq buzýshylyqtarynyń tómendeýiniń turaqty úrdisi baıqalady:
- 2023 jyly — 11 aıyptaý úkimi;
- 2024 jyly — 13 quqyq buzýshylyq;
- 2025 jyly — 3 fakt.
— 2025 jyly sybaılas jemqorlyq quqyq buzýshylyqtarynyń sany 2024 jylmen salystyrǵanda 76,9%-ǵa, al 2023 jylmen salystyrǵanda 72,7%-ǵa tómendedi. Bul sońǵy úsh jylda saladaǵy sybaılas jemqorlyq deńgeıiniń 70%-dan astam kórsetkishke azaıǵanyn kórsetedi, — delingen habarlamada.
Densaýlyq saqtaý mınıstrligi sybaılas jemqorlyq kórinisterin odan ári tómendetý jáne tolyq joıý baǵytyndaǵy júıeli jumysty jalǵastyrady. Bul óz kezeginde medıtsınalyq qyzmetterdiń sapasy men qoljetimdiligin arttyrýǵa, sondaı-aq azamattardyń densaýlyq saqtaý júıesine degen senimin nyǵaıtýǵa yqpal etedi.
Eske sala keteıik, buǵan deıin Qazaqstanda Sybaılas jemqorlyqqa qarsy jańa standart bekitilgen bolatyn.