Medıtsınada resýrstardyń tsıfrlyq esebi engizilip jatyr

ASTANA. KAZINFORM - Respýblıkalyq elektrondyq densaýlyq saqtaý ortalyǵynyń bazasynda Densaýlyq saqtaý mınıstri Aqmaral Álnazarovanyń tóraǵalyǵymen tsıfrlyq transformatsııa jónindegi jumys tobynyń otyrysy ótti. Bul týraly DSM baspasóz qyzmeti habarlady. 

Otyrystyń sheńberinde Respýblıkalyq elektrondyq densaýlyq saqtaý ortalyǵy densaýlyq saqtaý resýrstaryn basqarýdyń jańǵyrtylǵan júıesiniń (RBJ AJ) fýnktsıonalyn kórsetti.

Medıtsınalyq uıymdardyń, kadrlardyń jáne medıtsınalyq tehnıkanyń tsıfrlyq beıinderi, sondaı-aq olardy 2025 jyly odan ári damytý josparlary kórsetildi.

Jańartylǵan júıe resýrstardyń ashyq jáne tıimdi esebin qamtamasyz etip qana qoımaı, densaýlyq saqtaý ınfraqurylymy men kadrlyq áleýettiń damýyn taldaý jáne boljamdaý quralyna aınalyp otyr.

Jumys toby otyrysynyń qorytyndysy boıynsha tsıfrlyq beıinderdi dáıekti damytýdy jáne 2025 jyly júıeniń fýnktsıonalyn keńeıtýdi qosa alǵanda, RBJ AJ jetildirý boıynsha odan ári jumys baǵyttary aıqyndaldy. 

Aıta ketelik 2026 jylǵa qaraı ár qazaqstandyqtyń elektrondyq densaýlyq pasporty bolady.