Medıtsına salasynda shaǵym 44% kóbeıdi: máseleni naýqas shaǵymdanbaı turyp anyqtaýǵa bola ma
ASTANA. KAZINFORM — Medıtsınalyq uıymdardyń jumysynda patsıentterdiń shaǵymdaryna der kezinde jaýap berý – basty mindetterdiń biri. Alaıda, túsinispeýshilikter men máselelerdi resmı shaǵymǵa ulaspaı turyp, erte kezeńde anyqtaý múmkin be?
Bıylǵy birinshi jartyjyldyqta QR DSM Medıtsınalyq jáne farmatsevtıkalyq baqylaý komıtetine 14 364 ótinish túsken, bul – ótken jylmen salystyrǵanda 44%-ǵa artyq. Ótinishterdiń basym bóligi medıtsınalyq kómektiń sapasy men uıymdastyrylýyna, sondaı-aq basqa memlekettik organdardyń quzyretine qatysty boldy. Ósim deńgeıi boıynsha ózge máseleler (98%) men basqa organdardyń quzyretindegi suraqtar (61%) kósh bastaǵan.
Mundaı máselelerdi erte kezeńde anyqtaýdyń bir joly – patsıentterdiń alǵashqy ótinishterin júıeli túrde taldaý. Bul medıtsınalyq uıymdarǵa shaǵymdardyń sebepterin anyqtap, olardyń qaıtalanýyna jol bermeý úshin der kezinde shara qabyldaýǵa múmkindik beredi.
Osy baǵytta qazaqstandyq «Sıntegra» IT-kompanııasy 10 jyldan astam ýaqyt boıy medıtsınalyq uıymdarǵa arnalǵan CallBox júıesin damytyp keledi.
Bul – jaı ǵana qońyraý qabyldaý quraly emes, jasandy ıntellekt múmkindikterin paıdalanatyn ótinishterdi basqarý júıesi. Onyń negizgi fýnktsııalary:
* Qońyraýlardy mátinge aınaldyrý: sóılesýlerdi avtomatty túrde jazbasha formatqa kóshiredi.
* Mazmunyn taldaý: patsıentterdiń ótinishterin taldap, olardyń mánin anyqtaıdy.
* Taqyryptar boıynsha jikteý: ótinishterdi máseleniń sıpatyna qaraı toptastyrady.
* Oryndalýyn baqylaý: árbir ótinishtiń qaralý barysyn qadaǵalaýǵa múmkindik beredi.
Sonymen qatar, CallBox jınalǵan derekter negizinde máselelerdiń týyndaý sebepterin taldap, olardyń ósý nemese azaıý úrdisin anyqtaıdy. Jasandy ıntellekt jaǵdaı ózgerissiz qalǵan jaǵdaıda qandaı saldar týyndaýy múmkin ekenin boljap, teris úrdisti ózgertý úshin naqty qandaı sharalar qabyldaý qajettigi jóninde usynystar beredi.
Osylaısha, medıtsınalyq uıym basshylyǵy júıeden patsıentterdi jıi mazalaıtyn máseleler týraly aqparatty ǵana emes, olardyń sebepteri, yqtımal saldary jáne jaǵdaıdy jaqsartý joldary kórsetilgen daıyn taldaý men usynystardy da alady.
Búginde Qazaqstan boıynsha 200-den astam medıtsınalyq uıym CallBox júıesin qoldanady. Osy jyldar ishinde patsıentterdi qoldaý qyzmetteri júıe arqyly 600 myńnan astam ótinishti óńdegen.
