Medıtsına men bilim salasynda 57 mlrd teńgeden astam bıýdjet qarajaty únemdeldi
ASTANA. KAZINFORM — Bıyl 9 aıda medıtsına men bilim salasynda 57 mlrd teńgeden astam bıýdjet qarajaty únemdeldi. Bul týraly Úkimet otyrysynda Qarjy mınıstri Mádı Tákıev aıtty.
— Áleýmettik salany der kezinde qarjylandyrýmen qatar tıisti tólemderge baqylaýdy kúsheıtý jumysy jalǵasyp jatyr. Bul jumys Áleýmettik medıtsınalyq saqtandyrý qorynda eń aldymen medıtsınalyq qyzmetterdi satyp alý men tólemge baǵyttalǵan. Qalqan platformasynda tólem jasaý fýnktsıonaly medıtsınalyq qyzmettiń 57 baǵyty boıynsha iske asyryldy. Monıtorıng pen antıfrod-baqylaýdy kúsheıtý nátıjesinde 9 aıda 23,4 mlrd teńge kólemindegi qarjylyq shyǵyndarǵa jol berilmedi. Jalpy alǵanda, esepti kezeńde respýblıkalyq bıýdjetten Áleýmettik medıtsınalyq saqtandyrý qoryna 1 trln 204,8 mlrd teńge bólindi, — dedi mınıstr.
Onyń málimetinshe, bilim berýdi qarjylandyrýdyń tsıfrlyq júıesine 6 634 mektep kóshirildi.
— Tıisti tekserý jumystary jalǵan tirkeýlerdi anyqtaýǵa jáne de basqada buzýshylyqtardyń aldyn alýǵa múmkindik beredi. Únemdelgen bıýdjet qarajaty 34 mlrd teńgeni qurady, — dedi ol.
Buǵan deıin respýblıkalyq bıýdjet kiristeriniń ósýine qandaı faktorlar áser etkenin jazǵan edik.
