Medıtsına mamandarynyń jalaqysyn ósirýge 33 mıllıard teńge bólindi
ASTANA. KAZINFORM — Memleket basshysy Qasym-Jomart Toqaev medıtsına qyzmetkeri kúnine arnalǵan saltanatty is-sharada dárigerlerdi áleýmettik qoldaý sharalary týraly baıandady.
Prezıdenttiń aıtýynsha, memleket dárigerlerdi quqyqtyq turǵydan qorǵaýmen qatar, olardyń áleýmettik jaǵdaıyn jaqsartýǵa basa mán beredi.
— Sońǵy úsh jylda sala mamandaryna kórsetiletin memlekettik qoldaýdyń kólemi 7 ese ulǵaıdy. Medıtsına qyzmetkerleriniń jalaqysy kezeń-kezeńimen kóterilip keledi. Tek bıyldyń ózinde bul maqsatqa qazynadan 33 mıllıard teńge bólindi. Osyndaı sharalardyń arqasynda medıtsına salasyndaǵy kadrlyq ahýal da turaqtala tústi, — dedi Qasym-Jomart Toqaev.
Sondaı-aq shalǵaı aýyldarda eńbek etetin dárigerlerge erekshe qoldaý kórsetilýde. Olarǵa bir rettik kóterme tólemder berilip jatyr. Atap aıtqanda, byltyr 530 mamanǵa jalpy somasy 4,5 mıllıard teńge qarjy bólingen.
Aıta keteıik, Aqordada Prezıdent medıtsına qyzmetkerlerin kásibı merekesimen quttyqtady. Elimizde maýsymnyń ər úshinshi jeksenbisi — medıtsına qyzmetkerleriniń kúni. Bul kúndi atap ótý QR Prezıdentiniń 1998 jylǵy Jarlyǵymen belgilengen.
Jańa Konstıtýtsııada «ult saýlyǵy» uǵymyna alǵash ret nazar aýdaryldy.
Prezıdent medıtsına qyzmetkerlerine kúsh kórsetken adamdardy qylmystyq jaýapkershilikke tartý týraly da pikir bildirdi.
Sondaı-aq, Memleket basshysy qoǵamdyq oryndarda ádep saqtaý máselesin kóterdi.
