Medıtsına mamandaryn qoldaý baǵdarlamasyn ázirleý kerek — Prezıdent

— Áıtse de, eń zamanaýı aýrýhanalar men ozyq qural-jabdyq — jumystyń basy ǵana ekenin túsingenimiz abzal. Negizgi másele — bilikti maman tapshylyǵyn joıý, munyń zardabyn ásirese aýyldyq jerler tartyp otyr. Bul úshin bastapqy medıtsınalyq-sanıtarlyq kómek jumysshylaryn qoldaý baǵdarlamasyn ázirleý qajet, — dedi Qasym-Jomart Toqaev.

Prezıdenttiń aıtýynsha, adamdarǵa kómektesýge birinshi bolyp keletin jandar memleket qamqorlyǵyn sezinýi kerek. Olar úshin laıyqty jalaqy, tolyq áleýmettik paket jáne jergilikti jerde jumys isteýge yntalandyratyn tetikter bolýy tıis.

Sondaı-aq, medıtsınalyq bilim berý júıesin dáıekti túrde jańǵyrtýdyń el bolashaǵy men ult saýlyǵyn saqtaýdaǵy strategııalyq máni zor.

— Salalyq joǵary oqý oryndary burynǵydaı dástúrli bilim berý mekemesi emes, irgeli ǵylym men joǵary tehnologııalar ortalyǵy retinde jańǵyra bastaǵany qýantady. Bilim berý úderisi jetildirilip, klınıkalyq oqytý tásilderi keńeıýde. Internatýra kásibı daıarlyqtyń tolyq kezeńine aınalady. Endi ony támamdaǵan túlekter bazalyq bilimdi meńgergen dáriger retinde jumysqa kirisedi. Jańa býyn mamandaryn ázirleıtin ustahanaǵa aınalǵan elimizdiń jetekshi medıtsınalyq oqý oryndaryn odan ári nyǵaıtýǵa qoldaý kórsetý mańyzdy dep sanaımyn, — dedi Memleket basshysy.

Aıta keteıik, Aqordada Prezıdent medıtsına qyzmetkerlerin kásibı merekesimen quttyqtady. Elimizde maýsymnyń ər úshinshi jeksenbisi — medıtsına qyzmetkerleriniń kúni. Bul kúndi atap ótý QR Prezıdentiniń 1998 jylǵy Jarlyǵymen belgilengen.

Jańa Konstıtýtsııada «ult saýlyǵy» uǵymyna alǵash ret nazar aýdaryldy.

Prezıdent medıtsına qyzmetkerlerine kúsh kórsetken adamdardy qylmystyq jaýapkershilikke tartý týraly da pikir bildirdi.

Sondaı-aq, Memleket basshysy qoǵamdyq oryndarda ádep saqtaý máselesin kóterdi.

Bıyldyń ózinde medıtsına mamandarynyń jalaqysyn ósirýge 33 mıllıard teńge bólingen.