Medınedegi mektepte qazaq balasy baspaldaqtan qulap, qaza tapty - BAQ
ASTANA. QazAqparat - Medınedegi mektepte qazaq oqýshysy baspaldaqtan qulap, qaza tapty, dep habarlaıdy gdnonline.com.
Muhammed al-Kýshaırı dinı oqý ornynyń bastaýysh mektep oqýshysy Ahmed Nur baspaldaqtan qulap, basynan alǵan jaraqatynyń saldarynan kóz jumdy.
Kameradaǵy vıdeotaspaǵa muǵalimniń oqýshylarmen sóılesip turǵan kezinde oqýshynyń baspaldaqtyń taıanyshyna shyǵyp, qulap ketken sáti túsip qalǵan.
Ǵalamtorda jarııalanǵan bul kórinis qoldanýshylardyń ashý-yzasyn keltirdi. Olardyń aıtýynsha, baspaldaq taıanyshtary oqýshylardyń qaýipsizdigin qamtamasyz etý úshin jetkilikti dárejede bıik emes.
Medıne bas bilim berý basqarmasy qoldanýshylardyń synyna jaýap bere otyryp, Saýd Arabııasynda osyndaı úlgidegi ǵımarattardyń resmı túrde bekitilgendigin habarlady.
Mektepte qaıǵyly jaǵdaıda qaza tapqan qazaq oqýshysynyń tergeýi týraly esep taıaý arada jarııalanady, dep habarlady Medıne bilim berý basqarmasy.
