Medıtsınanyń jekemenshik naryǵynda jumys isteıtin qazaqstandyq kompanııalar ǵylymı-praktıkalyq konferentsııada bas qospaq
STANA. Qyrkúıektiń 10-y. QazAqparat /Gúlmıra Álıakparova/ - 2010 jylǵy qarashanyń 5-i kúni Astanada «Medıtsınalyq assıstent jáne Qazaqstannyń jekemenshik medıtsınasy» taqyrybynda respýblıkalyq ǵylymı-praktıkalyq konferentsııa ótedi.
Konferentsııa barysynda jekemenshik medıtsınanyń keńestik kezeńnen keıingi damý qarqyny, saqtandyrý men medıtsınalyq naryqty jyljytýda assıstant-kompanııalardyń róli talqylanatyn bolady.
Sondaı-aq, dalaly jerlerde, mysalǵa munaı-gaz salasynyń shalǵaıdaǵy vahtalyq kentterinde medıtsınalyq kómek kórsetýdi uıymdastyrý, óndiriste aýrýlar men jaraqattanýlardyń aldyn alý, medıtsınalyq saqtandyrýdy damytýdyń bolashaǵy, aýrýlardy emdeý jáne dıagnostıkalaýǵa jańa tehnolgııalardy endirý, erikti medıtsınalyq saqtandyrý taqyryptary kóterilmek.
Sonymen birge shara aıasynda medıtsına boıynsha eń úzdik ǵylymı-zertteý maqalasyna baıqaý jarııalandy. Jeńimpazdardy qomaqty qarjylaı syılyqtar kútip tur.
Konferentsııany uıymdastyrýshy - «Medıker» medıtsınalyq servıstik kompanııasy.
