Medıtsınalyq JOO túlekteri úsh jyl joldamamen jumys isteýge mindetteledi
Jańa júıe jergilikti jerlerde medıtsına qyzmetkerleriniń tapshylyǵyn azaıtý maqsatynda qolǵa alynyp otyr.
«Memlekettik grant boıynsha oqyǵan bitirýshiler óńirlerde mindetti túrde úsh jyl jumys isteýge tıis bolady. Densaýlyq saqtaý salasyndaǵy adamı resýrstardy basqarýdyń osy jáne basqa da máseleleri Kodeks jobasynda eskerilmek», - dedi QR Densaýlyq saqtaý vıtse-mınıstri Alekseı Tsoı OKQ-de ótken baspasóz máslıhatynda.
Buǵan deıin aıtqanymyzdaı, elimizde densaýlyq saqtaý týraly jańa kodeks jobasy ázirlený ústinde. Ol óz kezeginde qol jetkizilgen jetistikterdi bekitýge jáne damytýǵa, densaýlyq saqtaýda oryn alǵan problemalardy sheshýge baǵyttalatyn, sondaı-aq salanyń josparly jáne pármendi damýynyń negizi bolady dep kútilýde.
Óz sózin qorytyndylaı kele, Alekseı Tsoı Kodeks jobasy barlyq dıalog alańdarynda múddeli taraptarmen talqylaýǵa daıyn ekenin atap ótti.