Medıtsınalyq JOO-lar boıynsha memlekettik bilim berý tapsyrystary belgilendi

ASTANA. QazAqparat - 2017-2018 oqý jylyna medıtsınalyq mamandyqtar boıynsha memlekettik bilim berý tapsyrysynda 3 150 grant qarastyrylǵan, onyń 2 700-i «Jalpy medıtsına» mamandyǵyna bólingen, dep habarlaıdy Densaýlyq saqtaý mınıstrliginiń baspasóz qyzmeti .

«27 shildedegi QR Densaýlyq saqtaý mınıstriniń № 560 buıryǵymen tek S.J. Asfendııarov atyndaǵy Qazaq ulttyq memlekettik ýnıversıtetine memlekettik bilim berý tapsyrysy bekitilgen. Onyń ishinde «Jalpy medıtsına» - 385 oryn, onyń 270-i qazaq tilinde; Pedıatrııa - 150, onyń 100-i qazaq tilinde; Stomatologııa - 20, 10-y qazaq tilinde oqýǵa; Meıirger isi - 20, onyń ishinde 10-y qazaqsha oqýǵa; Farmatsııa - 15, onyń ishinde 10-y qazaq tilinde oqytýǵa; Qoǵamdyq densaýlyq saqtaý - 10, onyń ishinde 5 qazaq tilinde bilim berýge qatysty», - delingen habarlamada.

Basqa medıtsınalyq joǵary oqý oryndary boıynsha kvota bólinbegen. Jalpy konkýrs ótkiziledi, bul talapkerlerdiń tańdaǵan joǵary oqý ornyna túsý múmkindigin arttyrady. 

Barlyq bilim berý uıymdary «Jalpy medıtsına» mamandyǵy boıynsha bilim berý qyzmetine lıtsenzııasy bar QazUMÝ-da jáne jalpy konkýrs boıynsha basqa medıtsınalyq joǵary oqý oryndaryna memlekettik bilim berý tapsyrysyna talapkerlerdiń qujattaryn qabyldaıdy.