Medıtsınalyq jáne farmatsevtıkalyq qyzmetterdi baqylaý komıtetiniń aýmaqtyq bólimsheleri óńirlerde farmatsevtıkalyq qyzmettiń sýbektileri jáne óndirýshileri arasynda memorandýmdar jasaýda
ASTANA. 30 jeltoqsan. QazAqparat - Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasynyń negizgi baǵyttarynyń biri - halyqty dári-dármekpen qamtamasyz etý júıesin jetildirý jáne qoljetilimdiligin arttyrý.
Osyǵan baılanysty, Qazaqstan Respýblıkasy Densaýlyq saqtaý mınıstrligi 2011 jylǵy 12 jeltoqsanda halyqtyń áleýmettik az qamtylǵan toptaryn qoldaý, halyqtyń dárilik zattarǵa ekonomıkalyq qol jetimdiligin qamtamasyz etý maqsatynda dárilik zattar aınalysy salasyndaǵy kásibı qaýymdastyqtarmen dárilik zattar baǵalarynyń ósýin ustaýǵa baǵyttalǵan jáne dárilik zattardyń 200 ataýynyń naqty baǵasyn belgileıtin Memorandýmǵa qol qoıǵany belgili (budan ári - Tizim).
Endi osyndaı shara óńirlerde jalǵasyp, Medıtsınalyq jáne farmatsevtıkalyq qyzmetterdi baqylaý komıtetiniń aýmaqtyq bólimsheleri oblystardyń, Astana, Almaty qalalarynyń ákimderi, dárilik zattardy kóterme jáne bólshek saýdada júzege asyrylýyn qamtamasyz etetin farmatsevtıkalyq qyzmettiń sýbektileri jáne óndirýshileri arasynda Memorandým jasalýda, dep habarlady QR Densaýlyq saqtaý mınıstrliginiń baspasóz qyzmeti.
Memorandým sharttaryn túsindirý jáne Tizimge kirmegen dárilik zattardy bosatý kezinde belgilengen baǵanyń ósýin boldyrmaý úshin farmatsevtıkalyq qaýymdastyqtarmen kezdesýler júrgizilýde.
Atap aıtqanda, Komıtettiń aýmaqtyq bólimsheleri tarapynan barlyq dárihanalardyń joǵaryda kórsetilgen Tizimdi halyqqa kórinetin jerge ilip qoıýy baqylaýǵa alyndy.
Búgingi kúnge deıin Komıtet departamentteri, kóterme jáne bólshek saýda júıesiniń sýbektileri, Almaty qalasy, Atyraý, Almaty, Jambyl, Qaraǵandy, Qyzylorda, Ońtústik Qazaqstan oblystarynyń ákimdikteri arasynda memarandýmǵa qol qoıyldy.
Basqa óńirlerde Memorandým jobalary qol qoıýǵa daıyndalyp jatyr.
