Medıtsınalyq jáne áleýmettik qyzmetkerlerge balalarǵa qatysty qylmysty habarlaý mindeti júkteldi
NUR-SULTAN. QazAqparat - Elimizdegi balalar quqyǵynyń buzylǵany týraly faktini polıtsııaǵa habarlamaǵan medıtsına jáne áleýmettik qorǵaý mekemeleriniń qyzmetkerleri jaýapkershilikke tartylatyn boldy. Bul týraly elordada jasóspirimder quqyǵyna arnalǵan respýblıkalyq jıynda QR ІІM Ákimshilik polıtsııa komıtetiniń basqarma basshysy Áset Ospanov málim etti, dep habarlaıdy QazAqparat tilshisi.
ІІM ókili atap ótkendeı, osy jyldyń 1 sáýirinde «QR balalardyń quqyqtaryn qorǵaý jónindegi qyzmetterdi júzege asyratyn uıymdardyń qyzmetimen baılanysty máseleler boıynsha keıbir zańnamalyq aktilerine ózgerister men tolyqtyrýlar engizý týraly» zańǵa Prezıdent qol qoıǵan. Zańǵa engizilgen ózgerister boıynsha, bala tárbıesi boıynsha óz mindetin oryndamaǵan ata-analarǵa salynatyn aıyppuldyń mólsheri 7-den 3 AEK-ke deıin tómendetildi. Mundaǵy negizgi sebep - kóp jaǵdaıda jaýapkershilikke tartylyp jatqan ata-analar az qamtylǵan otbasydan ekeni eskerilgen.
«Sonymen birge, Ákimshilik quqyqbuzýshylyq kodeksiniń 127-babyna qosymsha taraý engizildi. Bul - jasóspirimder quqyǵynyń buzylýyna qatysty jaıdy ishki ister organdaryna densaýlyq saqtaý, áleýmettik qamtý uıymy qyzmetkerleriniń tarapynan habarlanbaǵan jaǵdaılar boıynsha jaýapkershilik. Ne úshin bul bap engizildi? Túsindire keteıin. 2016 jyldyń 9 sáýirinde balalar quqyǵy týraly zańǵa ózgeris engizilip, jasóspirimderge qatysty quqyqbuzýshylyqty jasyrý jaǵdaıy boıynsha pedagogtarǵa jaýapkershilik engizilgen edi. Ótken jyly ǵana osy bappen 171 pedagog, jyl basynan beri 57 pedagog jaýapkershilikke tartyldy. Olardyń bári de quqyqbuzýshylyq týraly ýaqytynda ishki ister organdaryna habar bermegen», - deıdi ol.
ІІM ókiliniń aıtýynsha, tájirıbe kórsetip otyrǵandaı bilim salasynan bólek, densaýlyq saqtaý, áleýmettik qamtý uıymynyń qyzmetkerleri de mundaı quqyqbuzýshylyqqa qatysty jaılardy kóp jaǵdaıda polıtsııaǵa aıtpaıdy. Sebebi, atalmysh qyzmetkerlerde mundaı mindetteme joq.
«Sol sebepti, birshama qylmystar jasyrylyp kelgen. Tek bala medıtsınalyq mekemege aýyr halde túsken kezde ǵana polıtsııa qyzmetkerleri mán-jaıdy anyqtaýǵa kirisken. Al muǵalimderge arnalǵan, joǵaryda atalǵan tıisti norma qazirgi ýaqytta pedagogtar ujymyna jaýapkershilik júktep, qazirgi tańda quqybuzýshylyqtardyń sany eki esege azaıdy. Osynyń arqasynda bilim berý uıymdarynda quqyqqa qarsy áreketter tómendedi. Quqyq qorǵaý organdaryna - medıtsınalyq uıymdar men áleýmettik kómek berý uıymdaryna artylatyn osyndaı mindet qylmystyń ýaqtyly aldyn alýǵa múmkindik beredi degen úmittemiz», - deıdi Áset Ospanov.
Eske sala ketsek, buǵan deıin atalmysh jıynda BǴM ókili Erjan Jırenbaı búgingi tańda elimizde balalarǵa arnalǵan 8 arnaıy bilim berý mekemesi bar ekenin atap ótken bolatyn.
«Olardyń 7-eýi arnaıy bilim berý uıymy bolsa, 8-shisi - Shyǵys Qazaqstandaǵy erekshe rejimdegi uıym. Jalpy, elimizde búgingi tańda 200-ge jýyq bala osy uıymdarda oqyp, tárbıelenip jatyr. ıAǵnı, bul - quqyqbuzýshylyqqa beıim balalar», - deıdi Erjan Jırenbaı.
