Medıtsınalyq jabdyqtardy lızıngilik júıemen satyp alý jobasyn júzege asyrý úshin «Qazmedteh» Aktsıonerlik qoǵamy qurylady
ASTANA. Qyrkúıektiń 8-i. QazAqparat /Gúlmıra Álıakparova/ - Jańa lızıngilik júıe boıynsha medıtsınalyq jabdyqtardy birinshi bolyp Soltústik Qazaqstan oblysy men Astana qalasynyń medıtsınalyq mekemeleri alady dep josparlanýda.
Bul týraly búgin Astanada ashylǵan «Astana. Densaýlyq - 2010» 7-shi qazaqstandyq halyqaralyq kórmeniń ashylýynda QR Densaýlyq saqtaý vıtse-mınıstri Salıdat Qaıyrbekova málim etti.
S.Qaıyrbekova atap kórsetkendeı, medıtsınalyq jabdyqtardy lızıngilik júıe boıynsha satyp alý jańashyldyǵy, jýyrda Úkimet deńgeıinde qabyldanǵan «Salamatty Qazaqstan» memlekettik baǵdarlamasynyń jobasyna engizilgen.
«Medıtsınalyq jabdyqtardy jańa lızıngilik júıe boıynsha satyp alýdy birqatar óńirlerde júzege asyrýdy josparlap otyrmyz. Boljam boıynsha - SQO men Astana qalasynda. Bul eń aldymen densaýlyq saqtaý júıesi úshin sonymen birge, lızıngi berýshi men ony alýshy úshin de paıdaly. Júıeniń medıtsınalyq jáne ekonomıkalyq tıimdiligi joǵary bolatyndyǵy sózsiz», - dedi ol.
«Qazaqstannyń farmmedındýstrııa» qaýymdastyǵynyń prezıdenti Serik Sultanovtyń aıtýynsha, Lızıngilik júıeni júzege asyrý úshin, eń aldymen memlekettiń 100 paıyz qatysýymen, QR Densaýlyq saqtaý mınıstrliginiń janynan «Qazmedteh» Aktsıonerlik qoǵamy qurylady.
Onyń sózine qaraǵanda, «Qazmedteh» AQ jabdyqtarǵa servıstik qyzmetterdiń kórsetilýin tolyqtaı óz moınyna alady jáne kadrlardy oqytýdy júzege asyrady.
