Medıtsınalyq zattardy zerthanalyq synaqtan ótkizý ortalyǵy qurylady

NUR-SULTAN. QazAqparat –Premer-Mınıstrdiń orynbasary Eraly Toǵjanov eldegi sanıtarlyq-epıdemıologııalyq qyzmetterdi materıaldyq-tehnıkalyq kúsheıtý týraly aıtyp berdi, dep habarlaıdy QazAqparat tilshisi.

«12 zerthana joǵary tehnologııalyq jabdyqtarmen qamtamasyz etiledi. Bul óz kezeginde azyq-túlik, balalar oıynshyqtaryn, sý men ózge de ónimdi zertteýge múmkindik beredi. ıAǵnı toksındi elementterdi, tuzdardy, metalldardy anyqtaý maqsatynda júrgiziledi. Sonymen qatar medıtsınalyq zattarǵa qatysty zerthanalyq ári tehnıkalyq synaqtan ótkizý boıynsha ortalyq qurylady. Osy oraıda halyqaralyq standarttar turǵysynda dári-dármek pen medıtsınalyq zattardy qaýipsizdik pen sapa boıynsha synaqtan ótkizýge múmkindik beredi», - dedi Úkimet basshysynyń orynbasary onlaın baspasóz máslıhatynda.

Budan buryn habarlanǵandaı, Úkimette bıylǵy jylǵy tórtinshi toqsanda Pfizer vaktsınasyn jetkizý eskerilgenin aıtty.

Premer-Mınıstrdiń orynbasary Eraly Toǵjanov bıologııalyq qaýipsizdik týraly qujat boıynsha pikir bildirdi.