Medıtsınalyq uıymdardaǵy qaǵazbastylyqqa tyıym salynady
«Jalpy, elimizdiń medıtsınalyq uıymdary elektrondyq formatqa aýysyp jatyr, ıaǵnı medıtsınalyq qujatnama elektrondyq nusqada júrgiziledi. Osy oraıda qaǵaz túrindegi ambýlatorlyq kartalardan bas tartamyz. Sonymen birge, medıtsınalyq uıymdar júrgizetin belgili bir statıstıkalyq qujattar da elektrondyq formatta bolady. Aldaǵy jyldyń 1 qańtarynan medıtsınalyq uıymdarda qaǵaz túrindegi qujat aınalymy bolmaıdy dep qarastyryp otyrmyz», - dedi Densaýlyq saqtaý vıtse-mınıstri Lázzat Aqtaeva vedomstvonyń Feısbýktegi paraqshasyndaǵy saýaldarǵa jaýap berý kezinde.
Osy oraıda ol qazirgi kezde azamattarǵa dárigerge jazylý, dárigerdi úıge shaqyrtý men medıtsınalyq uıymǵa tirkelý sekildi onlaın qyzmetter qoljetimdi ekenin eske salyp ótti.
«Tsıfrlandyrý medıtsınalyq uıymdardyń jumysyn jeńildetedi. Elimizdiń árbir azamaty densaýlyǵynyń elektrondyq pasportyn alady. Ol qaı jerde em qabyldasa da, barlyq málimetter onyń jeke kabınetine engiziledi. Bul óz kezeginde basqa dárigerge barǵan kezde em-dom sharalaryn jeńildetedi», - dedi ol.
