Medıtsınalyq uıymdar quny 312 mln teńge bolatyn zań buzýshylyqtarǵa jol bergen
ALMATY. QazAqparat - Almatyda medıtsınalyq qyzmet sapasyn baqylaý men jaqsartý maqsatynda uıymdastyrylǵan tekserý barysynda Medıtsınalyq saqtandyrý qory 312 mln teńge bolatyn zań buzý deregin anyqtady, dep habarlaıdy QazAqparat tilshisi.
Monıtorıng kezinde emdeý-dıagnostıkalyq sharalar standartynan aýytqý, qyzmet aqysyn negizsiz qymbattatý derekteri kezdesken.
«Onyń ishinde eń kóp kemshilikter statsıonarlyq qyzmet kórsetetin uıymdarda anyqtaldy. Olar quny 255 mln teńge bolatyn zań buzýshylyqtar jasaǵan. Keńes berý-dıagnostıkalyq qyzmet kórsetetinder 3,7 mln teńgege zań buzýshylyq jasaǵan»,- dedi qordyń Almatydaǵy bólimshesindegiler.
Osylaısha Medıtsınalyq saqtandyrý qory el aýmaǵynda 2,7 mlrd teńgege baǵalanǵan aqaýdy áshkereledi. Monıtorıngti «Medıtsınalyq qyzmetter sapasyn basqarý júıesi» júrgizip jatyr.
Aıta ketý kerek, josparly tekserýden bólek jospardan tys tekserýler de bolyp turady. Jospardan tys tekserýge patsıentter muryndyq bola alady.
Qor jyl basynan beri medıtsınalyq uıymdarǵa 53,4 mlrd teńge aýdarǵan. Bul almatylyq emhanalarmen kelisimge kelgen somanyń 56%-yn quraıdy.
Almaty medıtsınalyq saqtandyrý fılıaly 170 medıtsınalyq uıymmen jumys jasaıdy. Jyl sońyna deıin bul uıymdarǵa taǵy 94,3 mlrd teńge tólenedi dep josparlanyp otyr.
