Medıtsınalyq uıymdar ınternetpen jyl sońyna deıin qamtylýy tıis – vıtse-mınıstr
Vıtse-mınıstr ákimdikter jyl sońyna deıin medıtsınalyq uıymdardy kompıýtermen jáne ınternetpen tolyq qamtamasyz etip, densaýlyq saqtaý uıymdarynyń shtat kestesi týraly, júktiligi men bosanýy boıynsha esepte turǵan áıelder týraly aqparatty ýaqtyly ózektendirýi tıistigin aıtty.
Aıta keteıik, Qaraǵandy oblysynda 1 qyrkúıekten bastap medıtsınalyq kómekke qatysty túrli táýekelderdi anyqtaý jáne problemalardyń aldyn alý maqsatynda MÁMS júıesi pılottyq synaqtan ótýde. Sondaı-aq, saqtandyrylǵan adamdardyń mártebesin sáıkestendirý boıynsha aqparattyq júıelerdi testileý de júrgizilýde.
«Іlki jobaǵa Qaraǵandy oblysyndaǵy 9 aýdan, 4 aýdandyq jáne 7 oblystyq mańyzy bar qala qatysady. Aımaqta táýlik boıy jáne kúndizgi statsıonarda 15 beıin boıynsha ońaltý jáne ambýlatorlyq-emhanalyq kómektiń jańa tarıfin pılottyq testileýden ótkizý josparlanýda», - dedi Densaýlyq saqtaý vıtse-mınıstri Lázzat Aqtaeva.
MÁMS engizýge qatysty barlyq jumys jobalyq tásilmen júzege asyrylady. Áleýmettik medıtsınalyq saqtandyrý qory janynda Qaraǵandy oblysyndaǵy MÁMS júıesiniń pılottyq jobasyna arnalǵan jobalyq keńse qurylǵan. Ol 4 baǵyt: normatıvtik-quqyqtyq akt ázirleý, tsıfrlandyrý, medıtsınalyq qyzmetterdi satyp alý jáne tóleý, aqparattyq-túsindirý sharalary boıynsha jumys isteıdi.
Pılottyq joba aıasynda medıtsınalyq uıymdardyń qyzmetkerleri statsıonarlyq jáne statsıonardy almastyratyn kómek kórsetý boıynsha arnaıy oqýdan ótedi.