Medıtsınalyq uıymdar ǵımarattarynyń tozý deńgeıi 58,2 paıyzǵa jetti
Bul týraly QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.
Mınıstrliktiń keńeıtilgen alqa otyrysynda Marat Shoranov medıtsınalyq-sanıtarlyq alǵashqy kómek kórsetetin densaýlyq saqtaý uıymdaryna barǵandar sany bir turǵynǵa shaqqanda 4,9 quraǵanyn atap ótti. Jospar – 4,33 bolǵan. ıAǵnı, qajetti kórsetkishke qol jetkizildi. Alaıda, 5 óńir atap aıtqanda, Atyraý, Soltústik Qazaqstan, Aqmola, Batys Qazaqstan, Mańǵystaý oblystary nysanaly mánge jetpedi.
«Óńirlerde ákimdikter ambýlatorııalyq-emhanalyq uıymdarda medıtsınalyq kómektiń qoljetimdiligin arttyrý boıynsha is-sharalar qabyldaýy qajet»,-dedi birinshi vıtse-mınıstr.
Onyń dereginshe, densaýlyq saqtaýdaǵy jeke ınvestıtsııalardyń úlesi 40,3 paıyzdy qurady. Medıtsına uıymdarynyń medıtsınalyq tehnıkamen jaraqtandyrylýy 77 paıyz bolsa, medıtsına uıymdary ǵımarattarynyń tozý deńgeıi 58,2 paıyzǵa jetip otyr.
«Kemshilikter densaýlyq saqtaý nysandaryn kúrdeli jóndeýge, salýǵa jáne qaıta qurýǵa buryn josparlanǵan qarajatty koronovırýs ınfektsııasymen jáne onyń saldarymen kúresýge baǵyttaýmen baılanysty», - dep túsindirdi ol.
Birinshi vıtse-mınıstrdiń aıtýynsha, óńirlerde medıtsınalyq kómektiń qoljetimdiligin arttyrý úshin aýyldyq eldi mekenderde 137 feldsherlik-akýsherlik, medıtsınalyq pýnktter men dárigerlik ambýlatorııalar ashý josparlanǵan. 2021 jyly MJÁ aıasynda salynatyn 20 aýrýhananyń 8-i men Nur-Sultan jáne Almaty qalalarynda 2 iri medıtsınalyq zertteý ortalyqtarynyń qurylysyn bastaý kózdelgen.