Medıtsınalyq uıymdar dári-dármekti qymbat baǵaǵa satyp alǵan - QR DSM

NUR-SULTAN. QazAqparat - Elimizdiń kóptegen medıtsınalyq uıymdary dári-dármekti qasaqana qymbat baǵaǵa satyp alyp otyrǵan. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Densaýlyq saqtaý mınıstrligi Farmatsııa komıtetiniń tóraıymy Lıýdmıla Buırabekova málim etti, dep habarlaıdy QazAqparat tilshisi.

Onyń aıtýynsha, QR Densaýlyq saqtaý mınıstrliginiń 2018 jyldyń qortyndysyna arnalǵan keńeıtilgen alqa májilisinde jarııa etilgen derekterge sáıkes vedomstvo Eljan Birtanovtyń tapsyrmasymen elimizdiń 70 medıtsınalyq mekemesindegi dárilik zattardy utymdy paıdalanylýyna, psıhıatrııalyq, onkologııalyq aýrýlarmen, AITV/JITS jáne týberkýlezben aýyratyn naýqastardy dárilik zattarmen qamtamasyz etý barysyna taldaý monıtorıngi júrgizilgen.

«Monıtorıng nátıjesinde qajettiliktiń artyq qalyptasýy, naýqastardyń dárilik zattarmen tolyq kólemde jáne turaqty qamtamasyz etilmeýi, dári-dármektiń tıimsiz paıdalanylýy derekteri anyqtaldy», - dedi komıtet tóraıymy.

L.Buırabekovanyń monıtorıng barysynda anyqtalǵan barlyq derekter shara qabyldanýy úshin elimizdiń Bas prokýratýrasyna jiberilgen. Sonymen qatar qazirgi ýaqytta QR DSM Farmatsııa komıtetiniń aýmaqtyq departamenteri ókilderiniń qatysýymen aımaqta monıtorıngtiń einshi kezeńi júrgizilip jatyr.