Medıtsınalyq uıymdar aqmolalyqtarǵa 16 mlrd teńgeniń kómegin kórsetken
KÓKShETAÝ. QazAqparat - Aqmolalyq medıtsınalyq uıymdar turǵyndarǵa 16 mıllıard teńgeniń kómegin kórsetken, dep habarlaıdy QazAqparat tilshisi.
«Áleýmettik medıtsınalyq saqtandyrý qory» KAQ Aqmola oblystyq fılıalynyń málimetinshe, 2019 jyldyń basynan beri óńirdegi medıtsınalyq uıymdar turǵyndarǵa kórsetilgen medıtsınalyq kómek esebinen 16 mıllıard teńge tóledi. Tólemder kepildendirilgen tegin medıtsınalyq kómek kólemin qarjylandyrý sheńberinde júzege asyrylyp otyr.
«Búgingi tańda Áleýmettik medıtsınalyq saqtandyrý qory» KAQ Aqmola oblystyq fılıalynyń jetkizip berýshileri kepildendirilgen tegin medıtsınalyq kómek kólemi sheńberinde medıtsınalyq kómek kórsetý boıynsha kelisim-shart somasynyń 46,5 paıyzyn tóledi. Jalpy, oblystyń densaýlyq saqtaý salasyna 40 mıllıard teńge qarastyrylyp otyr. Onyń 34,4 mıllıard teńgesi áleýmettik medıtsınalyq saqtandyrý qory transfertteri», deıdi «Áleýmettik medıtsınalyq saqtandyrý qory» KAQ Aqmola oblystyq fılıalynyń Nurlan Ahılbekov.
Bıylǵy jyly memlekettik tapsyrys sheńberinde 56 medıtsınalyq uıym, onyń 23 jekemenshik oblys turǵyndaryna qyzmet kórsetedi.
«Turǵyndarǵa medıtsınalyq kómek jumystary kestege saı júrgizilýde. Bólingen qarjy medıtsınalyq mekemelerdiń shyǵyndaryn jabýǵa jetkilikti», dep atap ótti N. Ahılbekov.
Aıta ketý kerek. Áleýmettik medıtsınalyq saqtandyrý qory 2018 jyldan bastap, kepildendirilgen kólemniń tegin medıtsınalyq kómeginiń qarjylyq operatory jáne QR Úkimeti bekitken shamada turyǵyndar úshin medıtsınalyq qyzmetti satyp alady.
