Medıtsınalyq tehnıkalardy satyp alý jónindegi tenderdiń qorytyndylary shyǵaryldy

dep habarlaıdy QazAqparat atalmysh vedomstvonyń baspasóz qyzmetine silteme jasap.

Baspasóz qyzmetiniń málimetinshe, osy tender sheńberinde onkologııalyq jáne týberkýlezge qarsy uıymdardy, ana men balanyń densaýlyǵyn saqtaý, bosandyrý jáne qan qyzmetterin, bastapqy medıtsınalyq- sanıtarlyq kómek jáne sanıtarlyq avıatsııa uıymdaryn, qalalyq jáne oblystyq aýrýhanalardy jaraqtandyrý úshin jalpy somasy 11,7 mlrd. teńgege medıtsınalyq jabdyq, medıtsınalyq maqsattaǵy buıymdar jáne mamandandyrylǵan avtokólikter satyp alý josparlanǵan.

«Tıisti densaýlyq saqtaý obektilerin jaraqtandyrý týý kórsetkishterin arttyrýǵa, áleýmettik eleýli aýrýlardan bolǵan ólim-jitimdi azaıtýǵa, kórsetiletin medıtsınalyq kómektiń jedeldigin jáne tıimdiligin jaqsartýǵa, sondaı-aq densaýlyq saqtaý uıymdarynyń materıaldyq- tehnıkalyq bazasyn jaqsartýǵa múmkindik beredi. Osy tenderde 88 lot boıynsha 44 áleýetti ónim berýshi qatysty, olardyń biliktilik jáne ózge de talaptary boıynsha budan keıingi sharalaryna 35 áleýetti ónim berýshige ruqsat etilgen. Jalpy somasy 9,6 mlrd.teńgeni quraıtyn 70 lot boıynsha tender ótti dep tanyldy, bul rette tapsyrýshylarmen memlekettik satyp alý týraly sharttar jasasqan soń bıýdjet qarajatynyń kútiletin únemdelýi 248,1 mln.teńgeni quraıdy», delingen baspasóz qyzmetiniń málimetinde.

Aıta keteıik, QR Úkimetiniń 2010 jylǵy 3 aqpandaǵy № 64 qaýlysyna sáıkes Densaýlyq saqtaý mınıstrligi medıtsınalyq tehnıkany, medıtsınalyq maqsattaǵy buıymdardy jáne mamandandyrylǵan avtokólikti memlekettik satyp alý boıynsha tenderdiń birynǵaı uıymdastyrýshysy bolyp belgilengen.