Medıtsınalyq saqtandyrýǵa jekemenshik emhanalar tartylmaq
«Qazirgi ýaqytta Qor kepildendirilgen tegin medıtsınalyq kómek kólemi aıasynda medıtsınalyq kómekti satyp alý jumystaryn júrgizýde. Bıyl kelisimshart bekitilgen jetkizýshiler ambýlatorııalyq jáne statsıonarlyq kómek kórsetip jatyr», - dedi Mindetti medıtsınalyq saqtandyrý qorynyń basqarýshy dırektory Serik Táńirbergenov Ortalyq kommýnıkatsııalar qyzmetinde ótken baspasóz máslıhatynda.
Atalǵan qordyń habarlaýynsha, halyqqa tegin medıtsınalyq kómek kórsetetin 1390 uıymnyń 43 protsenti, ıaǵnı 602-si jekemenshik emhanalar. 2017 jylmen salystyrǵanda, bıyl emhanalar sany 183-ke artqan.
Mamandardyń pikirinshe, mundaı úrdis ınfraqurylym men mamandar tapshylyǵy máselesin sheshýge jáne básekelestikti arttyrý arqyly qyzmet kórsetý sapasyn jaqsartýǵa septigin tıgizedi.