Medıtsınalyq saqtandyrýdyń jańa júıesine stomatologııa qyzmetteri kirmeıdi
ASTANA. QazAqparat - «Áleýmettik medıtsınalyq saqtandyrý qory» AQ basqarma tóraıymy Elena Bahmýtovanyń aıtýynsha, áleýmettik medıtsınalyq saqtandyrý júıesinde stomatologııalyq qyzmetter qarastyrylmaǵan, dep habarlaıdy QazAqparat tilshisi.
«Onyń ózindik sebebi bar. Mysaly, men «Samuryq-Qazynada» istegende erikti medıtsınalyq saqtandyrý shartyna otyryp, aı saıyn jarna tóledim. Sonda ol júıe stomatologııalyq qyzmetterdi kótere almady. Sebebi ondaı qyzmetterdiń baǵasy tym qymbat. Al ony áleýmettik medıtsınalyq saqtandyrýǵa engizetin bolsaq, onda aı saıynǵy jarna tym kóp bolyp ketedi», - deıdi Bahmýtova.
QR Densaýlyq saqtaý vıtse-mınıstri Alekseı Tsoıdyń aıtýynsha, jańa júıede tek shuǵyl stomatologııalyq qyzmetter ǵana bolady. «Jalpy, medıtsınalyq qyzmetter burynǵydaı qalady. Birinshiden, adam ómirine qaýip tóngen jaǵdaıda shuǵyl medıtsınalyq qyzmet tegin kórsetiledi. Ekinshiden, san alýan otalar qorǵa tólenetin jarnalardyń esebine tólenedi», - deıdi Tsoı.
Aıta keteıik, áleýmettik medıtsınalyq saqtandyrý júıesi aıasynda 2019 jyldan bastap jumysshylar óz jalaqysynyń 1 paıyzyn qorǵa aýdarady. 2020 jylda atalǵan kórsetkish 2 paıyzǵa deıin kóteriledi. Al jumys berýshilerdiń jarnasy 2017 jyldyń ekinshi jartysynda tólene bastaıdy. Bas kezinde ol 1 paıyzdy qurasa, 2022 jylǵa qaraı 3 paıyzǵa deıin kóteriledi.
