Medıtsınalyq saqtandyrýdyń aqshasy kelesi jylǵa deıin paıdalanylmaıdy - mınıstr
«Ol aqsha esep-shotta jata beredi. Biz ony eshqaıda salmaımyz. Sebebi ınvestıtsııalyq qordyń jumysymen aınalyspaımyz. Medıtsınalyq saqtandyrý qorynyń negizgi maqsaty - aqshany jınaqtaý. Kelesi jyly qańtar aıynan bastap ol aqsha saqtandyrýǵa turǵan azamattardyń shyǵyndaryna jumsalady», - dedi QR Densaýlyq saqtaý mınıstri Eljan Birtanov jýrnalısterge bergen suxbatynda.
Aıta keteıik, aǵymdaǵy jyly shilde aıynan bastap jumys berýshiler medıtsınalyq saqtandyrý jarnalaryn tóleı bastady. Qor basshysy Elena Bahmýtovanyń aıtýynsha, shilde aıyndaǵy jalpy túsimderdiń kólemi 800 mln teńgeden asyp jyǵylady.
«Tamyz aıynda qorǵa túsetin túsimderdiń kólemi artýy tıis. Sebebi shilde aıynyń tólemderin aýdarý merzimi tamyz aıynda aıaqtalady. Sondyqtan biz tamyzda shamamen 4,5 mlrd teńge túsedi dep otyrmyz. Aǵymdaǵy jylǵy bazalyq aýdarym 27 mlrd teńgeni quramaq», - deıdi Bahmýtova.