Medıtsınalyq saqtandyrý júıesi: Jeke klınıkalarda tegin emdelýge bolady
NUR-SULTAN. QazAqpart - MÁMS júıesi bir ákimshilik-aýmaqtyq birlik sheginde bastapqy medıtsınalyq-sanıtarlyq kómek uıymyn, ıaǵnı emhanany erkin tańdaýǵa múmkindik beredi. Bul ereje jeke klınıkalarǵa da qoldanylady. Tek bir ǵana shart – klınıka Qormen kelisimshartqa otyrǵan qyzmet jetkizýshi bolýy jáne MÁMS boıynsha qyzmetter kórsetýi shart. Bul týraly QazAqparat Qorǵa silteme jasap habarlaıdy.
MÁMS júıesi engizilgeli beri suranysqa ıe KT, MRT, joǵary tehnologııalyq medıtsınalyq qyzmetter, konsýltatsııalyq-dıagnostıkalyq qyzmetter, t.b. (patsıenttiń aqysyz tekserilýi, emdelýi, dáriger men beıindi mamannyń keńesi, konsýltatsııalyq-dıagnostıkalyq qyzmetter, oqaltý qyzmetter, t.b.) medıtsınalyq qyzmet túrlerin barlyq azamattardyń alý múmkindigi artty.
«Nur-Sultan qalasy boıynsha 2021 jyly medıtsınalyq qyzmet kórsetý úshin Medıtsınalyq saqtandyrý qorymen 107 qyzmet jetkizýshi medıtsınalyq uıym kelisimshart jasady, olardyń 32-i – memlekettik, 67-si – jekemenshik, 8-i respýblıkalyq medıtsına uıymdary. TMKKK jáne MÁMS boıynsha medıtsınalyq qyzmet kórsetetin qyzmet jetkizýshilerdiń tizimin Qordyń resmı saıtynan tabýǵa bolady» - deıdi «Áleýmettik medıtsınalyq saqtandyrý qory» KeAQ Nur-Sultan qalasy boıynsha fılıalynyń baspasóz qyzmeti.
MÁMS boıynsha memlekettik medıtsına uıymdarynda da, jekemenshik medıtsına ortalyqtarynda da qyzmet kórsetiledi.
