Medıtsınalyq saqtandyrý sapaly medıtsınalyq kómekpen qamtıdy - QR DSM
Mınıstrliktiń baspasóz qyzmetiniń habarlaýynsha, oblys ortalyǵyna sapary barysynda vedomstvo basshysynyń orynbasary qalalyq emhana jáne oblystyq aýrýhana, sondaı-aq perınataldyq ortalyqtary jumystarymen tanysqan.
Budan soń ol óńirdiń medıtsına salasyndaǵy qyzmetkerlerimen kezdesip, mindetti áleýmettik medıtsınalyq saqtandyrý júıesiniń negizgi prıntsıpterin túsindirdi. Bul kezdesýge oblys ákiminiń orynbasary Marat Júndibaev, «Áleýmettik medıtsınalyq saqtandyrý qory» KEAQ basqarýshy dırektory Erik Baıjúnisov, qala jáne aýdan ákimderiniń orynbasarlary, jeke medıtsınalyq mekemelerdiń basshylary, mindetti áleýmettik medıtsınalyq saqtandyrýdy engizý boıynsha aqparattyq-túsindirý jumystary oblystyq shtab músheleri jáne t.b. qatysty.
Jınalys barysynda oblys ákiminiń orynbasary Marat Júndibaev MÁMS júıesin engizý boıynsha aqparattyq-túsindirý jumystary sheńberinde 3-kezeńdi júzege asyrý maqsatynda arnaıy oqytylǵan medıtsınalyq qyzmetkerlerden aqparattyq-túsindirý jumystaryn júrgizý úshin 49 mobıldi top qurylǵandyǵyn habarlady. Sondaı-aq, ol mobıldi toptarmen birge 2016 jyldyń qyrkúıeginen bastap 400 mekeme jáne kásiporynda 960-tan asa kezdesý ótkizilgendigin aıtty.
Sonymen qatar oblys aýmaǵynda MÁMS júıesi boıynsha turǵyndardyń mártebesin anyqtaý úshin qyzý jumys júrgizilip jatyr. Naqty málimetter boıynsha, oblysta 500 000-ǵa jýyq azamat ekanomıkalyq belsendi turǵyn retinde esepteledi, 173 000 turǵyn ózin ózi jumyspen qamtyǵandar, onyń ishinde 28 600 myń azamat ózin ózi ónimsiz eńbekpen qamtyǵandar, 25 800-i myń jumyssyzdar.
Vıtse-mınıstr Alekseı Tsoı 2020 jylǵa deıin, ıaǵnı jalpyǵa birdeı deklaratsııalaýdy engizgenge deıin TMKKK sheńberinde saqtandyrylmaǵan azamattarǵa dári-dármekpen qamtamasyz etiletin ambýlatorııalyq-emhanalyq kómek kórsetilendigin eske saldy.
«TMKKK sheńberindegi birinshi paketke profılaktıkalyq egýler, jedel járdem, sanıtarlyq avıatsııa, shuǵyl medıtsınalyq kómek, áleýmettik máni bar aýrýlarǵa statsıonarlyq jáne statsıonardy almastyratyn medıtsınalyq kómek, sondaı-aq aınalasyndaǵylarǵa qaýip tóndiretin aýrýlarǵa kórsetiletin medıtsınalyq qyzmet túrleri kiredi. Ol barlyq azamattar úshin qoljetimdi bolmaq», - dep túsindirdi ol.
Vıtse-mınıstrdiń aıtýy boıynsha ekinshi paket saqtandyrylǵan azamattarǵa arnalǵan. Ol Áleýmettik medıtsınalyq qory arqyly saqtandyrý jarnalary jáne memlekettik tólemder, jumys berýshiler jáne azamattardyń esebinen qarjylandyrylady.
«Bul saqtandyrý paketine dárilik qamtamasyz etiletin ambýlatorııalyq-emhanalyq kómek, josparly statsıonarlyq jáne statsıonardy almastyratyn medıtsınalyq kómek, qalpyna keltirip emdeý, medıtsınalyq ońaltý, joǵary tehnologııalyq kómek kórsetý, pallıatıvti kómek jáne meıirbıke kútimi sııaqty medıtsınalyq qyzmet túrleri kiredi», - dep atap ótti Alekseı Tsoı.
Buryn habarlanǵandaı, Qazaqstanda «Keıbir zańnamalyq aktilerge densaýlyq saqtaý jáne áleýmettik-eńbek salasy máseleleri boıynsha ózgerister men tolyqtyrýlar engizý týraly» Zańyna sáıkes, MÁMS-ti engizýge qatysty tómendegi jarna men tólem mólsherlemesi qarastyryldy:
- jumys berýshilerdiń jarnalary: 2017 jyldyń shildesinen bastap mólsherleme 1 %; 2018 jyly - 1,5%, 2020 jyly - 2%, 2022 jyly - 3%;
- jaldanbaly jumysshy jarnasy: 1% - s 2019 jyly, 2% - s 2020 jyly;
- jeke kásipkerler, notarıýstar, azamattyq-quqyqtyq negizdegi kelisim boıynsha kiris tabatyn jeke tulǵalar - kiristen, 2017 jylǵy shildeden bastap 2 ETJ-dan 5% kem emes;
- jumys kúshi tobyna kirmeıtin (ózin ózi ónimsiz eńbekpen qamtyǵandar) azamattar jarnasy - 2018 jylǵy 1 qańtardan bastap 1 ETJ-dan 5%;
- halyqtyń áleýmettik qorǵalmaǵan toby úshin memleket tóleıtin jarna 2018 jyldyń qańtarynan - 3,75%, 2019 jyldan bastap - 4%, 2022 jyldan bastap - 4-5 % bolady.