Medıtsınalyq saqtandyrý qyzmeti tsıfrlandyrylýda
Jıynda Medıtsınalyq saqtandyrý qorynyń basqarma tóraǵasy Aıbatyr Jumaǵulov qor qyzmetin tolyq tsıfrlandyrý baǵytynda atqarylyp jatqan jumystarǵa toqtalyp ótti.
«MSQ qyzmetiniń ashyqtyǵy men joǵary deńgeıli qaýipsizdikti qamtamasyz etý úshin, sondaı-aq, adamı faktordy azaıtyp, protsedýralarǵa ketetin ýaqytty qysqartý maqsatynda «Elektrondy qarjy ortalyǵy» AQ-men birlesip jumys istep jatyrmyz. Naqtyraq aıtsaq, bıylǵy jyldyń ózinde memlekettik tapsyrysty oryndaıtyn jetkizýshi kompanııalardy irikteý protsedýrasyn elektrondy formatqa kóshirý kózdelip otyr. Ol úshin medıtsınalyq qyzmetterdi satyp alýǵa qatysqysy keletin uıymdar Qordyń jetkizýshiler bazasyna ený úshin egov.kz portaly arqyly ótinish beredi. Sodan soń ózindegi eńbek resýrsynyń múmkindikteri jaıly málimetti Densaýlyq saqtaý mınıstrliginiń aqparattyq júıelerine engizedi. Nátıjesine, irikteý protsesi túgelge derlik Goszakup.gov.kz portaly arqyly júrgiziledi. Al, MSQ medıtsınalyq kómek kólemin emhanalar men klınıkalar arasynda bóliske salý jumystarynyń nátıjesi boıynsha medıtsına uıymdarymen kelisimshart bekitetin bolady», - dep atap ótti MSQ basshysy.
Aıbatyr Jumaǵulovtyń aıtýynsha, medıtsına uıymdary men Qordyń aqparattyq júıelerin 1S platformasy negizinde yqpaldastyrý kózdelgen. Sol arqyly kelisimshart bekitý, medıtsına uıymdarymen kelisimsharttarǵa qosymsha kelisimder engizý, kórsetilgen qyzmetter aktisine qol qoıý jáne tólem shotyn jiberý protsedýralaryn tolyǵymen avtomattandyrýǵa múmkindik týmaq.
Qor qyzmetin avtomattandyrý jumystary eki baǵytta: túsken jarnalar men saqtandyrylǵan azamattardyń esebin júrgizý; medıtsınaldyq qyzmet kórsetetin jetkizýshilerdi irikteý, olarmen kelisimshart bekitý jáne kórsetilgen qyzmet aqysyn tóleý baǵytynda júrip jatyr. Jarnalar men saqtandyrylǵandardyń esebi MSQ, Eńbek jáne halyqty áleýmettik qorǵaý mınıstrligimen jáne memlekettik korporatsııasynyń birlesip jasaǵan «Saqtandyrý» aqparattyq júıesi arqyly júrgiziledi.
«Munyń bári MSQ úshin de, medıtsına uıymdary úshin de satyp alý protsedýralaryn jeńildetip, qujat rásimdeýge ketetin ýaqytty edáýir qysqartýǵa múmkindik beredi. Sonymen qatar, medıtsına uıymdary qujattarǵa qol qoıdyrýshin Qordyń fılıaldaryna aıaqtaı barýǵa degen qajettilikten arylady, qaǵaz-qujat aınalymyna jumsalatyn shyǵyndar qysqaryp, qyzmetkerlerdiń ýaqytyn tıimdi paıdalanýǵa septigin tıgizbek», - dedi Aıbatyr Jumaǵulov.
Esterińizge sala ketsek, MSQ 2018 jyldan bastap TMKKK jáne mindetti áleýmettik medıtsınalyq saqtandyrý (MÁMS) paketteriniń qarjylyq operatory bolyp tabylady jáne halyqqa kórsetiletin medıtsınalyq qyzmetterdi QR Úkimeti bekitken tártip boıynsha satyp alady.