Medıtsınalyq saqtandyrý qoryna túsken jarna Ulttyq bankte saqtalady

ASTANA. QazAqparat - Ótken jyldyń jeltoqsan aıynda Medıtsınalyq saqtandyrý qoryna 10,4 mlrd teńgeden astam jarna tústi. Bul týraly QazAqparat Qordyń baspasóz qyzmetine silteme jasap habarlaıdy.

Júıe iske qosylǵan 2017 jyldyń 1 shildesinen 2018 jyldyń 31 jeltoqsanyna deıingi aralyqta jınaqtalǵan jarnanyń jalpy somasy 133 mlrd teńgeni qurady.

Onyń 124,3 mlrd teńgesi (shamamen 93,5%) jumys berýshilerdiń aýdarymdary bolsa, qalǵan 8,7 mlrd teńge (6,5% jýyǵy) - jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tıesili.

Aımaqtyq turǵydan alǵanda, jarna tóleý jaǵynan burynǵysha Almaty, Astana qalalary men Qaraǵandy oblysy kósh bastap tur.

Jınaqtalǵan qarjy Ulttyq bankte saqtalady. Bolashaqta MÁMS paketi sheńberindegi qyzmetter aqysyn tóleýge jumsalady. Elimizdiń bas bankimen qarjyny senimgerlik basqarý týraly kelisim bekitilgen.