Medıtsınalyq saqtandyrý qoryna túsken jarna 71 mlrd teńgeden asty
ASTANA. QazAqparat - Medıtsınalyq saqtandyrý qoryna túsken jarna mólsheri 2018 jyldyń mamyr aıynda 8,5 mlrd teńgeden asyp jyǵyldy, dep habarlaıdy QazAqparat «Áleýmettik medıtsınalyq saqtandyrý qorynyń» baspasóz qyzmetine silteme jasap.
Málimetterge qaraǵanda, júıe iske qosylǵan 2017 jyldyń 1 shildesinen 2018 jyldyń 31 mamyryna deıingi aralyqta jumys berýshiler men jeke kásipkerler tólegen medıtsınalyq saqtandyrý jarnasynyń kólemi shamamen 71,9 mlrd teńgeni qurap otyr.
Atap aıtqanda, 63,4 mlrd teńge (88,2% jýyǵy) jumys berýshilerdiń qaramaǵyndaǵy qyzmetkerleri úshin jasaǵan tólemderi bolsa, qalǵan 8,5 mlrd teńge (11% jýyǵy) - jeke kásipkerler men azamattyq-quqyqtyq negizde eńbek etetin tulǵalarǵa tıesili.
Aımaqtar arasynda jarna tóleý jaǵynan Almaty jáne Astana qalalary, sondaı-aq Qaraǵandy oblysy kósh bastap tur.
Jınaqtalǵan jarna Ulttyq bankte saqtalady. Elimizdiń bas bankimen qarjyny senimgerlik basqarý týraly kelisim bekitilgen. Túsken qarajat medıtsınalyq saqtandyrý júıesi iske qosylǵannan keıin saqtandyrý sheńberinde kórsetiletin qyzmetter aqysyn tóleýge jumsalady.
